Woho wa mbisha anto periodikɛ (Numɛlɔ kele bu l’Ɔtɛtɛla ko nyu menda lo Falase)

Tshoto y’Etangelo Ngɔndɔ ka divwa 1

“Tena dimɔtshi anto salaka awui wa kɔlɔ nɛ dia wakanganyiyama oma lo ohetoheto wa kashi wele l’ase ɛtɛmwɛlɔ awɔ. Kakɔna kafɔnyayɛ kakâkonya dia vɔ minganyiyama ngasɔ? [Tshikande akadimole.] Tende kɛnɛ katokeketsha Bible lo dikambo sɔ. [Adia 1 Joani 4:1.] Sawo nɛ mɛnyaka lande na kele ekɔ ohomba dia sho mbɛdika dietawɔ diaso la kɛnɛ kata Ɔtɛkɛta wa Nzambi.” Tɛkɛta dia sawo diotate lo lɛkɛ 10.

Réveillez-vous! Ngɔndɔ ka divwa

Adia Mateu 5:39. Oma lâsɔ ta wate: “Onde wɛ fɔnyaka dia Yeso akate dia sho pombaka ntshikala ki etena katosalɛwɔ kɔlɔ? [Tshikande akadimole.] Sawo nɛ mɛnyaka kɛnɛ kata Bible lo kɛnɛ kendana la woho wahombaso ndjâmɛ ndo nyanga ekokelo le lɛɛta.” Tɛkɛta dia sawo diotate lo lɛkɛ 10.

Tshoto y’Etangelo Ngɔndɔ ka dikumi 1

“L’andja w’otondo, anto wa l’ɛtɛmwɛlɔ tshɛ salaka alɔmbɛlɔ. Onde wɛ fɔnyaka dia Nzambi mbokaka ndo kadimolaka mɛtɛ alɔmbɛlɔ awɔ? [Tshikande akadimole.] Bible tokeketshaka dia nɔmba. [Adia Filipi 4:6, 7.] Periodikɛ kɛnɛ mɛnyaka okadimwelo washa Bible lo ambola esambelo waleka ndjaoka anto lo dikambo dia dɔmbɛlɔ.”

Réveillez-vous! Ngɔndɔ ka dikumi

“Sho mbokaka mbala efula woho wafungama anto oma le elonganyi awɔ, ase pɔlitikɛ kana oma le anto akina. Onde wɛ fɔnyaka dia aya tshondo y’okakatanu dia ntana anto wahombaso mbɛkɛ otema le wɔ? [Tshikande akadimole.] Anto efula fɔnyaka dia divɛsa nɛ diekɔ lo kotshama. [Adia 2 Timote 3:1-5.] Periodikɛ kɛnɛ nembetshiyaka lɛnɛ âkatakoke ntana anto wakokaso mbɛkɛ otema le wɔ.”