Naka nyekɔ l’ohomba wa wanyandja

w’ekanda l’ɔtɛkɛta w’angɛndangɛnda

Lo tena dimɔtshi, sho pomanaka l’anto wakombola mbadia ekanda aso l’ɔtɛkɛta w’angɛndangɛnda wele bu lo lɔkɔtɔ l’etshumanelo kaso. Onde wɛ mbeyaka dia naka wɛ ekɔ l’akoka wa mbɔtɔ lo Ɛtɛrnɛtɛ ndo ekɔ la mashinyi watondja akatshi, kete wɛ kokaka ntondja wɛmɛ ekanda aso lo ɛtɛkɛta oko 400? Yoho yakokɛ nsala dikambo sɔ yɔ nyɛ:

• Tshɔka lo sitɛ kaso k’Ɛtɛrnɛtɛ ka www.watchtower.org.

• Lo lonya l’omi la dikatshi diatomba, wɛ ayɛna listɛ l’ɛtɛkɛta ɛmɔtshi. Klikɛ dihole diosangiwɔ okama wa nkɛtɛ.

• Klikɛ dihole diele ɔtɛkɛta walangayɛ. Dikatshi dimɔtshi diayotomba diayokɛnya weho w’ekanda wakokayɛ ntondja, ɛnyɛlɔ traktɛ, tobukubuku ndo asawo. Lam’ele dikatshi sɔ fundama l’ɔtɛkɛta wakayasɔnyi, toyakiyanyaka naka wɛ hayohɔ ɔtɛ a dui.

• Klikɛ lo ɛngɔ tshɛ kalangayɛ. Kɛnɛ kalangayɛ kayɛnama lo écran, oma lâsɔ ko wɛ ntondja akatshi weyɛ l’ohomba lo nkamba la mashinyi ayɛ watondja akatshi.

Sitɛ kaso k’Ɛtɛrnɛtɛ kekɔ paka la ekanda ɛmɔtshi eto, koko ekanda ekina nyu kokaka mbakondja lo tshimbo y’etshumanelo. Naka wɛ ekɔ l’ohomba wa mbakondja, kete ayoleka dimɛna wɛ mɛnana la ɔnangɛso lendana la awui w’abuku.