Tokambe la sitɛ kaso ka l’Ɛtɛrnɛtɛ dia nkimanyiya onto latɛkɛta ɔtɛkɛta okina

Towɛnya sitɛ kaso ka l’Ɛtɛrnɛtɛ: Towɛnya woho wakokande nkamba la listɛ lofundjiwɔ ɔnɛ: “Langues” dia nde mɛna ɔtɛkɛta ande l’Ɛtɛrnɛtɛ. (L’ɛtɛkɛta ɛmɔtshi paka asawo amɔtshi ato mbatanema lo sitɛ kaso.)

Ɛnyande awui wofundami l’ɔtɛkɛta ande l’Ɛtɛrnɛtɛ: Ɛnyande dikatshi dimɔtshi di’oma l’atei w’ekanda aso, ɛnyɛlɔ dibuku Qu’enseigne la Bible ? kana traktɛ Connaître la vérité. Sɔna ɔtɛkɛta watɛkɛta ompokami ayɛ lam’ofundjiwɔ ɔnɛ: “Lire en.”

Hokamiyande sawo dimɔtshi l’ɔtɛkɛta ande: Enda sawo diele l’awui wakawadje l’eshinga l’ɔtɛkɛta w’ompokami ayɛ ndo hokamiyande. Naka wɛ ekɔ lo mbeka ɔtɛkɛta okina, kete wɛ koka mpamia akoka ayɛ lo mpokamɛ yema y’awui wakadjama l’eshinga l’ɔtɛkɛta akɔ etena katayadia.​—Tshɔka lo “Publications” oma laasɔ “Livres et Brochures” kana “Revues.”

Tosambisha akanga wa mpoke: Naka tambohomana la kanga ehoke, kete towodje vidɛo ya l’ɔtɛkɛta w’akanga a mpoke ya tshapita mɔtshi y’oma lo Bible, dibuku, biukubuku kana traktɛ.​—Tshɔka lo “Publications” oma laasɔ “Langue des signes.”

[Diagramɛ dia lo lɛkɛ 6]

(Dia mbeya awui tshɛ enda l’okanda)

Nsala nganɛ:

1 Klikɛ ▸ dia wɛ mpokamɛ yema y’awui wakawadje l’eshinga (naka wekɔ l’ɔtɛkɛta akɔ) kana l’ɛse k’ɔtɛ a dui wofundjiwɔ ɔnɛ: “Télécharger” dia nsangola awui akɔ.

2 Sɔna ɔtɛkɛta okina oma lo “Lire en” dia wɛ mbishola sawo diakɔ lo ɔtɛkɛta akɔ.

3 Klikɛ “Suivant” kana “Sommaire” dia mbadia sawo kana tshapita kina.