Tokambe la sitɛ kaso ka l’Ɛtɛrnɛtɛ l’esambishelo
Tokeketsha anto dia vɔ nkamba la sitɛ kaso ka l’Ɛtɛrnɛtɛ: Anto amɔtshi watona dia nsawola la so kana mbetawɔ ekanda aso, mbetawɔka dia nsɛdingola awui wendana l’Ɛmɛnyi wa Jehowa lo jw.org lo mvudu yawɔ. Diakɔ diele, ekɔ ohomba sho mbutɛ anto akina awui wendana la sitɛ kaso ka l’Ɛtɛrnɛtɛ lo diaaso tshɛ.
Tokadimole ambola: Tena dimɔtshi, ompokami aso, onto ɔmɔtshi layasha l’akambo wa mɛtɛ kana ɔngɛnyi aso mbeyaka tombola dui dimɔtshi diendana l’Ɛmɛnyi wa Jehowa kana dia waetawɔ aso. Towɛnya okadimwelo aha la tshimbatshimba lo nkamba l’ɔrdinatɛrɛ wa l’anya. Mbala efula ayoleka dimɛna mbadia lande avɛsa w’oma lo Bible. Naka wɛ bu l’ɔrdinatɛrɛ wele l’Ɛtɛrnɛtɛ, kete lembetshiyande woho wakokande tokamba la jw.org dia nde toshola ekadimwelo ndamɛ.—Tshɔka lo “La Bible et vous” oma laasɔ “Questions Bibliques” kana “Qui sommes-nous ?” oma laasɔ “Questions fréquentes.”
Tomɛ onto ɔmɔtshi leyayɛ sawo kana okanda ɔmɔtshi: Dja sawo diele lo PDF kana EPUB lo mesajɛ watomayɛ. Kana wɛ mbeyaka mbidja asawo amɔtshi wa lohokamɛ w’oma l’ekanda aso lo CD. Mbala tshɛ kayoyotomɛka onto lahatabatizama dikubu, biukubuku kana periodikɛ k’otondo l’Ɛtɛrnɛtɛ, kete wɛ mbeyaka mbadia oko wɛ ambokahɛ onto dibuku. Kema ohomba tomɛ anto awui aha la mfunda lokombo la ɔnɛ lotomi ndo toma awui efula amboleka. Ndo hatohombe tomɛ anto awui wɔsami oma lo sitɛ kekina.—Tshɔka lo “Publications.”
Towaɛnya nsango yeke ka ntomba yendana l’Ɛmɛnyi wa Jehowa: Kɛsɔ kayokimanyiya ambeki wa Bible ndo anto akina wasawola laso dia vɔ mandola olimu wakambema l’andja w’otondo ndo kaamɛ kele la Akristo. (Osam. 133:1)—Tshɔka lo “Actualités.”
[Diagramɛ dia lo lɛkɛ 5]
(Dia mbeya awui tshɛ enda l’okanda)
Nsala nganɛ:
1 L’ɛse ka “Publications,” wɛ ayotana ekanda walangayɛ nsangola ndo klikɛ lo butɔ dia wɛ ntshɔ lo sawo diayela kana sawo dia lohokamɛ dialangayɛ.
2 Klikɛ lo MP3 dia wɛ mɛna listɛ l’asawo wakokayɛ mbɔsa. Klikɛ ɔtɛ wa sawo dia wɛ disangola kana ▸ dihokamɛ lo Ɛtɛrnɛtɛ.
3 Sɔna ɔtɛkɛta okina oma lo listɛ naka wɛ nangaka sangola asawo w’oma l’ekanda aso l’ɔtɛkɛta akɔ.