Bɛnyɛlɔ dia mbɔtwɛlɔ (Numɛlɔ kele bu l’Ɔtɛtɛla ko nyu menda lo Falase)

Woho wa ntatɛ mbeka l’anto Bible lushi la samalo la ntondo la ngɔndɔ ka Dikumi

“Lo tena dia wolo diasɛnaso nɛ, sho tshɛ pomanaka l’ekakatanu wakiyanya nkumbo efula. Oko le yɛ, lende akokaso ntana ɛlɔmbwɛlɔ ka dimɛna dia nkimanyiya nkumbo kaso dia tɔ monga la lɔsɛnɔ l’ɔngɛnɔngɛnɔ?” Tshikande akadimole. Oma lâsɔ, tshuma ompokami ayɛ Tshoto y’Etangelo ya ngɔndɔ ka dikumi 1 ndo nyɔsɛdingole kâmɛ awui wele l’ɔtɛ a dui wahɔnyi wele lo lɛkɛ 16 ndo 17 ndo nyɔsɛdingole kânga divɛsa ɔtɔi dioshilami. Shande periodikɛ ndo nyokane lushi la wɛ nkalola dia nyu ndjɔkɛtshanya dimbola dikina.

Tshoto y’Etangelo ngɔndɔ ka Dikumi 1

Ɛnya onto lohoso la periodikɛ ndo mbolande ɔnɛ: “Ngande wakokayɛ ndjaoka naka wɛ amboyoshola dia wakaketsha awui wa kashi lo dikambo dia Nzambi? [Tshikande akadimole.] Lembetɛ kɛnɛ kakate Yeso lo kɛnɛ kendana la yoho ya ntshikitanya akambo wa mɛtɛ la wa kashi. [Adia Joani 17:17.] Bible twamɛ totɛka kɛnɛ kele mɛtɛ lo dikambo dia Nzambi. Periodikɛ kɛnɛ tɛkɛtaka akambo atanu wa kashi wambekɔnɛ lo dikambo diaki Nzambi wele Bible mbatondjaka sɛkɛ.”

Réveillez-vous ! ngɔndɔ ka Dikumi

“Ɛlɔ, tekɔ lo tembola waa nkumbo dia mbâkimanyiya. Oko le yɛ, okakatanu akɔna woleki wolo wendana la wodielo w’ana wahomana l’ambutshi ɛlɔ kɛnɛ? [Tshikande akadimole.] Ambutshi efula ndjaɛkɛka l’alako wa lo Bible. Ɛnyɛlɔ, ɛtɛkɛta wa lomba ɛnɛ kimanyiyaka ambutshi etena kangolawɔ anawɔ. [Adia Efeso 4:31.] Periodikɛ kɛnɛ mɛnyaka woho wakoka alako wa lo Bible nkimanyiya ambutshi etena kayole ɔnawɔ, mbuta ate oma ko dikɛnda diande polo l’ɛnɔnyi dikumi l’ɛmɔtshi.”