Bɛnyɛlɔ dia mbɔtwɛlɔ (Numɛlɔ kele bu l’Ɔtɛtɛla ko nyu menda lo Falase)
Woho wa ntatɛ mbeka l’anto Bible Lushi la samalo la ntondo la Ngɔndɔ ka dikumi
“Ɛlɔ tekɔ lo tasawola l’asukanyi aso lo tshena pe. Efula ka wanɛ wambosawola la so, wambototɛ di’okakatanu ɔmɔtshi l’atei w’ekakatanu woleki wolo walɔshana la wɔ ele nyɔi ka lakiwɔ ɔmɔtshi la ngandji. Onde ngasɔ mbediɔ ndo lo dikambo diayɛ? [Tshikande akadimole.] Ondo dikambo nɛ kokaka kokeketsha.” Ɛnyande lohoso l’ekomelo la Tshoto y’Etangelo ya Ngɔndɔ ka dikumi 1, ndo nyɔsɛdingole awui wele l’ɛse ka dimbola dia ntondo ndo nyadia kaanga divɛsa ɔtɔi dioshilami. Shande periodikɛ ndo nyokane lushi layoyokalola dia nyu ndjɔkɛtshanya dimbola dikina.
Tshoto y’Etangelo Ngɔndɔ ka dikumi 1
“Tekɔ lo tasawola l’asukanyi aso lo tshena pe dia mbakeketsha dia mbadiaka Bible. Sho mbeyaka di’anto amɔtshi ndjashaka lo Bible ndo akina hawoyasha lɔkɔ. Kayotota lo dikambo diayɛ? [Tshikande akadimole.] Tende kɛnɛ kata Bible. [Adia 1 Tɛsalɔnika 2:13.] Lekɔ l’etshikikelo dia naka wɛ mbetawɔka dia Bible ekɔ dibuku di’oma le Nzambi, kete sunganaka dia sho diadia. Periodikɛ kɛnɛ mɛnyaka lo tshena pe losango lele lo Bible ndo lande na kahombaso ndjasha lɔkɔ.”
Réveillez-vous ! Ngɔndɔ ka dikumi
“Dimi nangaka mbeya kanyi yayɛ lo dimbola nɛ: Onde onto koka monga l’ɔngɛnɔngɛnɔ naka nde bu la lomombo la l’emunyi efula? [Tshikande akadimola.] Lembetɛ kɛnɛ kata Bible. [Adia 1 Timɔte 6:8.] Periodikɛ kɛnɛ tɛnyaka woho wakokaso monga la wɛdimu lo kɛnɛ kendana la lomombo la l’emunyi ndo tɔ mɛnyaka awui asato w’ohomba efula wahatakoke nkondja oyadi sho kongaka la falanga y’efula.”