Bɛnyɛlɔ dia mbɔtwɛlɔ (Numɛlɔ kele bu l’Ɔtɛtɛla ko nyu menda lo Falase)

Woho wa ntatɛ mbeka l’anto Bible Lushi la samalo la ntondo la Ngɔndɔ ka dikumi

“Tekɔ lo tasawola l’asukanyi aso lo tshena pe awui wendana la lowandji la dimɛna. Onde wɛ fɔnyaka dia oseka lowandji tshɛ lekɔ l’akoka wa minya ekakatanu wa wolo wele oko, awui wa ngala ndo wa wɛngiya?” Tshikande akadimole. Oma laasɔ, ohola ompokami ɔnɛ lo dɔmbɛlɔ dia Shɛso, Yeso aketsha ambeki ande dia nɔmbaka dia Diolelo dia ngasɔ ndja, mbuta ate Diolelo diaki Nzambi. Ɛnyande lɛkɛ l’ekomelo la Tshoto y’Etangelo ya Ngɔndɔ ka dikumi 1, nyɔsɛdingole kaamɛ dimbola dia ntondo ndo nyadia kaanga divɛsa ɔtɔi dioshilami. Shande periodikɛ, ndo okana la nde dia nyu ndjɔsɛdingola dimbola dikina mbala kayaye.

Tshoto y’Etangelo Ngɔndɔ ka dikumi 1

“Tekɔ lo tasawola l’asukanyi aso lo tshena pe lo kɛnɛ kendana l’ɛtɛkɛta ɛnɛ wele lo dɔmbɛlɔ dieya anto efula diaketsha Yeso ambeki ande. [Adia Mateo 6:9, 10.] Onde wɛ ambokondjaka elembetshielo w’amɛna lo kɛnɛ kendana la Diolelo diaki Nzambi ndo lande na kakalekaka Yeso ntɛkɛta dikambo dia diɔ etena kakandasambishaka? [Tshikande akadimole.] Periodikɛ kɛnɛ mɛnyaka kɛnɛ kata Bible lo dikambo dia Diolelo diaki Nzambi ndo ɛtshɔkɔ ɛmɔtshi w’amɛna wayodiela la nkɛtɛ.”

Réveillez-vous ! Ngɔndɔ ka dikumi

“Tekɔ lo tasawola l’anto lo tshena pe l’oyango wa mbakimanyiya dia nkondja okadimwelo lo dimbola nɛ. [Ɛnyande ɔtɛ a dui wele lo lohoso la periodikɛ.] Onde wɛ fɔnyaka ɔnɛ dia monga la lɔsɛnɔ la dimɛna onto pombaka monga kanga ɔngɔnyi? [Tshikande akadimole.] Bible mɛnyaka woho wakokaso monga la wɛdimo lo kɛnɛ kendana la lomombo la l’emunyi. [Adia Luka 12:15.] Lo ndjela Bible, onto tshɛ koka monga la lɔsɛnɔ la dimɛna. Periodikɛ kɛnɛ nembetshiyaka dui sɔ.”