Bɛnyɛlɔ dia mbɔtwɛlɔ (Numɛlɔ kele bu l’Ɔtɛtɛla ko nyu menda lo Falase)

Woho wa ntatɛ mbeka l’anto Bible Lushi la samalo la ntondo la ngɔndɔ ka Dikumi l’Ahende

“Lekɔ l’eshikikelo dia wɛ ayetawɔ di’ɔnɛ onto tshɛ ekɔ l’ohomba w’angɛnyi. Oko leyɛ, dionga diakɔna dioleki ohomba diahomba monga l’ɔngɛnyi? [Tshikande akadimole.] Lembetɛ kɛnɛ kata periodikɛ kɛnɛ lo dikambo dia kɛnɛ katotshutshuya dia nsɔna angɛnyi aso dimɛna.” Oma lâsɔ, sha ompokami ayɛ Tshoto y’Etangelo ya ngɔndɔ ka Dikumi l’Ahende 1. Nyadia ndo nyɔkɛtshanya akambo wele l’ɛse k’ɔtɛ a dui wa ntondo wele lo lɛkɛ 16. Nyadia divɛsa dimɔtshi lo avɛsa wele lo sawo diakɔ. Oma lâsɔ, shande periodikɛ ndo nyokane lushi layoyokalola dia ndjowenda dia nyu ndjɔsɛdingola okadimwelo wa dimbola dikina.

Tshoto y’Etangelo ngɔndɔ ka Dikumi l’Ahende 1

“Onde wɛ atayambolaka lande na kambosalema mpokoso efula y’oma lo diangɔ diakatongama yeke kasalema? [Tshikande akadimole.] Dui dia diambo ko Bible akatatshi etena kayosalema mpokoso efula. [Adia Mateu 24:7, 8.] Periodikɛ kɛnɛ mbishaka okadimwelo lo ambola anɛ: Lande na kamboleka fulanɛ mpokoso y’oma lo diangɔ diakatongama ɛlɔ kɛnɛ? Onde yɔ yekɔ dilanya di’oma le Nzambi? Periodikɛ kɛnɛ mɛnyaka ɛkɔkɔ watotshutshuya dia mbetawɔ ɔnɛ kem’edja Nzambi ayanga komiya mpokoso tshɛ y’oma lo diangɔ diakatongama.”

Réveillez-vous ! ngɔndɔ ka Dikumi l’Ahende

Adia 2 Timote 3:16. Oma lâsɔ, ta wate: “Anto amɔtshi mbetawɔka ɔnɛ Bible akasambiyama oma le Nzambi, koko akina hawetawɔ. Ko wɛ atayɛ lo dikambo sɔ? [Tshikande akadimole.] Kânga mbele anto la tokanyi totshikitanyi lo kɛnɛ kendana la dimbola nɛ, anto efula mbetawɔka dia ndoko dibuku dikina diambowodja welo efula dia dilanya oko diɔ. Periodikɛ kɛnɛ nembetshiyaka welo ɛmɔtshi wakadje anto dia ndanya Bible ndo nshimba anto diaha vɔ kiadia l’edja ka ntambe efula. Tɔ nembetshiyaka nto, lande na keso la Bible polo ndo nshi nyɛ.”