Bɛnyɛlɔ dia mbɔtwɛlɔ (Numɛlɔ kele bu l’Ɔtɛtɛla ko nyu menda lo Falase)

Woho wa ntatɛ mbeka l’anto Bible Lushi la samalo la ntondo la Ngɔndɔ ka dikumi l’ahende

“L’etena ka l’ɔnɔnyi kɛnɛ, anto wekɔ lo kanyiya dikambo diaki Yeso. Lo kanyi yayɛ, naa dikambo dioleki woke diakandasale? [Tshikande akadimole.] Tende ɔtɛ a dui wa sawo diele lo lɛkɛ 16.” Sha ompokami ayɛ Tshoto y’Etangelo ya Ngɔndɔ ka dikumi l’ahende 1, ndo nyɔsɛdingole awui wele l’ɔtɛ a dui ɔmɔtshi wahɔnyi ndo divɛsa kaanga ɔtɔi l’atei w’avɛsa woshilami. Shande periodikɛ yakɔ ndo nyookane lushi lahombayɛ nkalola dia nyu ndjɔkɛtshanya dimbola diayela.

Tshoto y’Etangelo Ngɔndɔ ka dikumi l’ahende 1

“L’etena ka l’ɔnɔnyi kɛnɛ, anto efula kanyiyaka dikambo dia fɛtɛ ka Nɔɛlɛ. L’atei wa tokanyi tɛnyishawɔ lanɛ tɔnɛ, yakɔna yoleki ohomba? [Ɛnyande listɛ la tokanyi lele lo lɛkɛ 3 ndo tshikande akadimole. Oma laasɔ, ko wɛ ntshɔ la nde lo sawo diɔtɔnɛ la kanyi yambondɔsɔna ndo nyu mbadia divɛsa diosuke ɔtɛ a dui wa sawo diakɔ.] Periodikɛ kɛnɛ mɛnyaka toho ta shikaa takokaso mbohɔ Yeso l’ɔnɔnyi w’otondo, aha paka lo nshi ya Nɔɛlɛ.”

Réveillez-vous ! Ngɔndɔ ka dikumi l’ahende

“Tekɔ lo tembola anto nɛ dia efula l’atei awɔ wekɔ l’ekiyanu ndo l’awui watshindja wɔɔngɔ. Onde ndo wɛ mbɛna dia nshi nyɛ mbamboleka anto monga aha la ndjakimɛ? [Tshikande akadimole.] Anto amɔtshi mbetawɔka dia tekɔ lo nsɛna l’etena kamboleka anto monga l’ekiyanu oko wakashile diɛnya prɔfɛsiya kɛnɛ ka lo 2 Timɔte 3:1. [Adia] Periodikɛ kɛnɛ mɛnyaka woho wele monga aha la ndjakimɛ ekɔ dionga dia kɔlɔ efula ndo tɔ tɛnyaka kɛnɛ kahombaso nsala dia ndeka monga la ndjakimɛ.”