Bɛnyɛlɔ dia mbɔtwɛlɔ (Numɛlɔ kele bu l’Ɔtɛtɛla ko nyu menda lo Falase)

Woho wa ntatɛ mbeka l’anto Bible Lushi la samalo la ntondo la Ngɔndɔ ka tanu

“Dui dimɔtshi diafɔnaso sho tshɛ ele woho wasalaso munga. Onde wɛ amboyambolaka lushi lɔmɔtshi dia kana mɛtɛ Nzambi kokaka dimanyiya kaanga wanɛ wasala munga ya weke?” [Tshikande akadimole.] Ɛnyande sawo diele lo lɛkɛ 15 la Tshoto y’Etangelo ya Ngɔndɔ ka tanu 1, ndo nyɔsɛdingole dimbola dia ntondo ndo avɛsa wa lɔkɔ. Shande periodikɛ yakɔ, ndo nyookane lushi layoyokalola dia ndjowenda.

Tshoto y’Etangelo Ngɔndɔ ka tanu 1

“Sho nangaka mbeya kanyi yayɛ lo kɛnɛ kotami lanɛ. [Adia 1 Joani 4:8.] Anto efula mbetawɔka ɛtɛkɛta ɛnɛ, koko amɔtshi fɔnyaka ɔnɛ Nzambi ekɔ kanga esehe l’ɔtɛ wende lo kiɔkɔ kana l’ɔtɛ watshikande mpokoso y’oma lo diangɔ diakatongama. Ko wɛ afɔnyayɛ lo dikambo sɔ? [Tshikande akadimole.] Periodikɛ kɛnɛ kekɔ l’ɛkɔkɔ wɛnya dia ekɔ tshondo ya munga mbuta ɔnɛ Nzambi ekɔ kanga esehe.”

Réveillez-vous ! Ngɔndɔ ka tanu

“Tekɔ lo tasawola l’asekaso lo kɛnɛ kendana la lonyangu longa la so l’ɔtɛ w’awui wa ngala. Anto amɔtshi fɔnyaka ɔnɛ dia awui asɔ nkitakita, paka apulushi mbongi efula. Ko wɛ afɔnyayɛ lo dikambo sɔ? [Tshikande akadimole.] Onde wɛ mbeyaka dia Bible kekɔ lo ndaka dia Nzambi ayanga minya akambo wa ngala lo pondjo? [Adia Osambu 37:10, 11.] Periodikɛ kɛnɛ toshikikɛka di’awui asɔ wayosalema ndo tɛnyaka akambo amɔtshi wakokaso nsala dia ndjakokɛ oma l’awui wa ngala asɔ.”