Ekadimwelo lo ambola anyu

◼ Onde kadiyɛso pombaka nkanga kitambala lo wekelo wa Bible wa lo tshena pe naka nde ekɔ lo tasambisha l’opandjudi wa pami?

Naka opandjudi wa womoto ekɔ lo nɔmbɔla wekelo wa Bible l’ombeki wokekaka la nde mbala la mbala lale opandjudi wa pami, kete nde pombaka nkanga kitambala. (1 Kɔr. 11:3-10) Tshoto y’Etangelo ya Ngɔndɔ k’esambele 15, 2002, lɛkɛ 27 lo Falase, mbutaka ɔnɛ: “Ɔsɔ ekɔ wekelo wambokongɛmaka wele ɔnɛ letsha ekɔ ɔnɔmbɔdi. L’etena kɛsɔ, wekelo ɔsɔ waya etenyi kɛmɔtshi ka wetshelo wa l’etshumanelo. Naka opandjudi wa womoto wambobatizama ekɔ lo nɔmbɔla wekelo wa ngasɔ ko opandjudi wa pami wambobatizama ekɔ laawɔ, nde pombaka nkanga kitambala.” Kɛsɔ mbahomba salema kaanga etena kalɔmbɔlande wekelo wa Bible wa la ngelo, wa lo tshena pe kana lo waaso akina.

Lo wedi okina, naka wekelo wa Bible wa lo tshena pe watashikikɛma, kete keema ohomba dia kadiyɛso nkanga kitambala oyadi opandjudi wa pami ekɔ laawɔ, kaanga mbele oyango wa wendelo w’oyoyo ele wa ntatɛ wekelo wa Bible kana nsɛdingola awui amɔtshi oma l’ekanda wekaso l’anto Bible. Lam’ele mbala efula wekelo wa Bible wa lo tshena pe tashikikɛmaka yema yema l’ɔkɔngɔ wa nsala wendelo w’eyoyo mbala la mbala, apandjudi pombaka nsɛdingola awui wotshikitanyi ndo monga l’ekanelo k’ɔlɔlɔ dia nshikikɛ etena kakɔna kahomba kadiyɛso nkanga kitambala.