Bɛnyɛlɔ dia mbɔtwɛlɔ

(Numɛlɔ kele bu l’Ɔtɛtɛla ko nyu menda lo Falase)

Woho wa ntatɛ mbeka l’anto Bible Lushi la samalo la ntondo la Ngɔndɔ ka tanu

“Tekɔ lo tasawola l’anto lo tshena pe lo kɛnɛ kendana la dimbola di’ohomba nɛ. [Ɛnyande dimbola dia ntondo diele lo dikatshi di’ekomelo dia Tshoto y’Etangelo ya Ngɔndɔ ka tanu 1.] Naa kanyi yayɛ lo dikambo sɔ?” Tshikande akadimole. Nyɔsɛdingole kaamɛ awui wele l’ɛse ka dimbola ndo nyadia kaanga divɛsa ɔtɔi dioshilami. Shande periodikɛ, ndo okana la nde dia nyu ndjɔsɛdingola dimbola dikina mbala kayaye.

Tshoto y’Etangelo Ngɔndɔ ka tanu 1

“Tekɔ lo tasawola l’anto lo tshena pe nɛ dia anto efula ndjakiyanyaka dia mbeya kɛnɛ kayosalema lo nshi yayaye. Etena kakanayɛ yimba lo dikambo dia nshi yayaye, ngande wayaokayɛ? Onde wɛ ekɔ l’elongamelo kana ekɔ la wɔma? [Tshikande akadimola. Oma laasɔ, adiɛnde divɛsa dimɔtshi l’atei w’avɛsa wele lo kiombo yata ɔnɛ: “Kɛnɛ kambotosholɛ Nzambi lo dikambo dia nshi yayaye.”] Periodikɛ kɛnɛ mɛnyaka awui amɔtshi wakate Nzambi wayosalema ndo tɔ nembetshiyaka lande na kakokaso monga l’eshikikelo ɔnɛ wayokotshama.”

Réveillez-vous ! Ngɔndɔ ka tanu

“Tekɔ lo tasawola l’anto lo tshena pe dia mbakimanyiya dia vɔ mbeya mbikikɛ ekiyanu awɔ. Onde ndo wɛ mbɛna dia anto wekɔ l’ekiyanu efula nshi nyɛ oleki woho wakiwɔ lo nshi y’edjedja? [Tshikande akadimole.] Anto efula wakɛnyi dia alako w’eshika wele lo Bible mbakimanyiyaka dia mbikikɛ ekiyanu awɔ. Dako dimɔtshi diɔ nɛ. [Adia Mateo 6:34.] Periodikɛ kɛnɛ nembetshiyaka woho wakoka atɔndɔ wa lo Bible tokimanyiya dia mbikikɛ akambo anɛi waleka monga lo kiɔkɔ y’ekiyanu.”

Diewoyelo: Numɛlɔ kɛnɛ koka mendana lo yoho ya laande l’amundji w’okanda.