Tolongolake angɛndangɛnda lo mbashaka ‘diangɔ di’ɛlɔlɔ’ (Mat. 12:35a)

Aha la taamu, sho tshɛ kombolaka mbisha anto akina ‘diangɔ di’ɛlɔlɔ’ lo ndjela dako diata ɔnɛ: “Nyonge la mbekelo ka nongolaka angɛndangɛnda.” (Rɔmɔ 12:13) Dikumanyi nɔmbɔlaka akambo wendana la dikuta dia mfuta mboka ndo yangɔ ya ndɛ yakokawɔ mbisha atɛkɛtshi w’angɛndangɛnda. Koko, anto amɔtshi koka mengenga dia nongola angɛndangɛnda l’ɔtɛ wewɔ l’ekondjelo ka tshitshɛ kana ndjakiyanya lo dikambo di’oyelo w’anto akina la ngelo. Kaanga mbakokadiɔ monga ngasɔ, ndjela dako diakasha Yeso Maata koka tokimanyiya dia mbahemɛ tokanyi tɔsɔ. (Luka 10:39-42) Nde akatɔtɔmiya ɔnɛ “kɛnɛ koleki dimɛna” lo dikambo di’olongwelo w’angɛndangɛnda ele, lɔngɛnyi ndo ekeketshelo, koko aha mbo ya ndɛ kana nɛnga luudu lo yoho ya kawotake. Naka sho nkamba la dako sɔ, kete sho tshɛ koka mbisha anangɛso ‘diangɔ di’ɛlɔlɔ’ lo yoho yɔtɔnɛ l’Ɔtɛkɛta wa Nzambi.—3 Jni. 5-8.