Bɛnyɛlɔ dia mbɔtwɛlɔ (Numɛlɔ kele bu l’Ɔtɛtɛla ko nyu menda lo Falase)

Tshoto y’Etangelo Ngɔndɔ ka hende 1

“Tekɔ lo takahɛ onto tshɛ la lo ɛtshi ka nkɛtɛ kɛnɛ kɔpi kɛmɔtshi. Tɔ nembetshiyaka ohomba wa Bible. Kɔpi kayɛ tɔ kɛnɛ. [Sha ompokami ayɛ traktɛ kele l’ɔtɛ a dui ɔnɛ: Ngande wɔsayɛ Bible?] Anto amɔtshi wamboyambolaka ɔnɛ: ‘Lende akokami ntana alako wakoka kimanyiyami lo olimu ami?’ Tende kɛnɛ kata divɛsa nɛ lo kɛnɛ kendana la olimu. [Adia Undaki 3:13.] Bible kekɔ l’atɔndɔ watokimanyiya dia monga l’ɔngɛnɔngɛnɔ lo olimu aso. Periodikɛ kɛnɛ nembetshiyaka dui sɔ. Onde wɛ ayolanga kiadia?”

Réveillez-vous ! Ngɔndɔ ka hende

“Tekɔ lo tasawola l’asukanyi aso lo tshena pe lo mbasha Réveillez-vous ! weke katomba. Vɔ mbishaka okadimwelo lo dimbola di’ohomba nɛ. [Ɛnyande lohoso.] Dimi nangaka mbeya kanyi yayɛ lo dimbola diele lo periodikɛ kɛnɛ. [Adia Tukedi 29:11.] Onde wɛ fɔnyaka dia tɔndɔ dia lo Bible nɛ diekɔ ohomba ɛlɔ kɛnɛ? [Tshikande akadimole.] Periodikɛ kɛnɛ mɛnyaka atɔndɔ anɛi wa lo Bible ndo woho wakokaso nkondja wahɔ lo nkamba lawɔ.”