‘Awui anɛ pombaka monga l’otema ayɛ’

Ambutshi wekɔ oko alami w’ɛkɔkɔ. Vɔ pombaka ndjasha tshɛ dia nkokɛ anawɔ, wanɛ wakoka nshishɔ esadi eto ndo nkoma wɔdu. (Tuk. 27:23) Ngande wakoka ambutshi nkotsha ɔkɛndɛ ɔsɔ? Vɔ pombaka mbetsha wenya lushi tshɛ dia nsawola l’anawɔ dia mbeya kɛnɛ kele lo timba tawɔ ndo l’etema awɔ. (Tuk. 20:5) Ndo nto, dia nkeketsha mbetawɔ y’anawɔ, ambutshi pombaka mbika la dihomɔ diahalana la dja. (1 Kɔr. 3:10-15) Vidɛo yele l’ɔtɛ a dui ɔnɛ: ‘Awui anɛ pombaka monga l’otema ayɛ’ tɔtɔmiyaka ohomba wa ɔtɛmwɛlɔ wa nkumbo wa mbala la mbala. Nyoyiende lo nkumbo ndo oma laasɔ, nyɔkɛtshanya ambola wayela anɛ.

1) Kakɔna kakakonya nkumbo k’ɔnangɛso Rɔmɛ dia mpomba mbo ya ndɛ ya lo nyuma? 2) Lande na kele ɔnangɛso Rɔmɛ kotondoya lo ekongelo kande k’ɔtɛmwɛlɔ wa lo nkumbo? 3) Naa avɛsa walɔmbama dia mbodia ana dimɛna? (Euh. 6:6, 7) 4) Kakɔna kakoka nkimanyiya dia sawo dia dimɛna monga lo nkumbo? 5) Weho akɔna w’elambo wele la ana ohomba dia ambutshi awɔ nkimɔ? 6) Ngande wele ɔnangɛso la kadiyɛso Martin waki la shɛngiya y’ɔlɔlɔ lo nkumbo kaki Rɔmɛ? (Tuk. 27:17) 7) Kakɔna kahomba ɔtɛ wa nkumbo nsala la ntondo dia ɔtɛmwɛlɔ wa lo nkumbo monga l’etombelo w’ɛlɔlɔ? 8) Kakɔna kakatatɛ nsala ɔnangɛso Rɔmɛ dia ndowanya akambo lo nkumbo kande? 9) Lande na kele salaka ɔtɛmwɛlɔ wa lo nkumbo mbala la mbala ekɔ ohomba? (Ɛf. 6:4) 10) Naa tokanyi tɔmɔtshi tele ohomba lo dikambo dia ɔtɛmwɛlɔ wa lo nkumbo? 11) Ngande wele ɔnangɛso Rɔmɛ aki l’ɔkɔmi ndo l’eshikikelo tshɛ etena kakandakimanyiyaka Markos dia nsala kɛnɛ kele ɔlɔlɔ? (Jer. 17:9) 12) Ngande wele ɔnangɛso la kadiyɛso Rɔmɛ wakakane lomba la Rɛbɛka dia mbokimanyiya dia nde mbɔsa yɛdikɔ ya dimɛna lo diɔtɔnganelo dia nde la Justin? (Makɔ 12:30; 2 Tim. 2:22) 13) Ngande wakɛnya ɔnangɛso la kadiyɛso Rɔmɛ mbetawɔ etena kakawasale etshikitanu lo nsɛnɔ yawɔ? (Mat. 6:33) 14) Ngande waka vidɛo nyɛ epole ɔsɛkɛ lo ohomba wa ɛtɛ wa nkumbo nkotsha ehomba wa lo nyuma wa ase nkumbo yawɔ? (1 Tim. 5:8) 15) Kakɔna kamboyashikikɛ oko weyɛ ɔtɛ wa nkumbo?

DIEWOYELO LE ƐTƐ WA NKUMBO: Dramɛ nɛ dia awui weta lo nshi yaso nyɛ diakakɛnyama lo nsanganya ya rɛjɔ yakasalema lo 2011. L’etena kɛsɔ, onde wɛ akɛnyi ohomba wa mpamia ɔtɛmwɛlɔ anyu wa lo nkumbo? Ko kayotota ɛlɔ kɛnɛ? Naka etshikitanu wekɔ ohomba, lam’alangɛ nsala dɔmbɛlɔ dia wɛ nsala etshikitanu dia nkondja wahɔ lo nkumbo kayɛ.—Ɛf. 5:15-17.