Kimanyiya nkumbo kayɛ dia mbohɔka Jehowa

Jɛrɛmiya akalongola ɔkɛndɛ wa mbewola ase Juda dia elanyelo kaki suke la mbakomɛ l’ɔtɛ wakawohɛ Jehowa Nzambi kawɔ. (Jɛr 13:25) Lande na kakayokoma wodja lo waale wa lo nyuma wa ngasɔ? Nkumbo y’ase Isariyɛlɛ wakashisha lonyuma lawɔ. Ɛtɛ wa nkumbo kondjelaka ɛlɔmbwɛlɔ kaki Jehowa katanema lo Eohwelo k’Ɛlɛmbɛ 6:5-7.

Ɛlɔ kɛnɛ, nkumbo yele nge lo nyuma kimanyiyaka dia tshumanelo diaso nshikimala. Ɛtɛ wa nkumbo koka nkimanyiya nkumbo yawɔ dia mbohɔka Jehowa l’ekimanyielo ka ekongelo ka dimɛna k’Ɔtɛmwɛlɔ wa lo nkumbo wa mbala la mbala. (Os 22:27) L’ɔkɔngɔ wa nyu menda vidɛo yele l’ɔtɛ a dui ɔnɛ “Awui . . . anɛ pombaka monga l’otema ayɛ”—Ɛkɔnya le nkumbo, nyokadimole lo ambola wayela anɛ:

• Ngande wakatondoya nkumbo mɔtshi ekakatanu wendana l’Ɔtɛmwɛlɔ wa lo nkumbo?

• Naa ɛlɔlɔ ɛmɛtshi waya lo monga la ekongelo ka Ɔtɛmwɛlɔ wa lo nkumbo wa dimɛna ndo wa mbala la mbala

• Ekakatanu akɔna wendana la Ɔtɛmwɛlɔ wa lo nkumbo wahomana la mi ndo ngande wakokami mbakandola?