Bɛnyɛlɔ dia mbɔtwɛlɔ (Numɛlɔ kele bu l’Ɔtɛtɛla ko nyu menda lo Falase)

Tshoto y’Etangelo Ngɔndɔ ka dikumi l’ahende 1

“Tekɔ lo tembola anto lo tshena pe dia minya kanyi ya kɔlɔ yambokokanɛ le anto lo kɛnɛ kendana la Bible. Anto efula nɛmiyaka Bible, koko vɔ fɔnyaka dia tɔ kekɔ wolo efula dia nshihodia. Ngande wɔsayɛ Bible? [Tshikande akadimole.] Tekɔ la ɔkɔkɔ ɔmɔtshi watotshutshuya dia ndjasha dia nshihodia Bible. [Adia Rɔmɔ 15:4.] Periodikɛ kɛnɛ nembetshiyaka woho weyaso ɔnɛ Bible kakafundama lo woho wakokaso kishihodia. Tɔ toshaka nto alako amɔtshi watokimanyiya dia kishihodia.”

Réveillez-vous ! Ngɔndɔ ka dikumi l’ahende

“Tekɔ lo takambe olimu wa lo sɛkɛ wa membola waa nkumbo lo tshena pe. Onto tshɛ kombolaka monga la wɔladi ndo la diɔtɔnganelo dia dimɛna l’ase nkumbo kande. Kakɔna kafɔnyayɛ koleki ohomba lo waa nkumbo, onde mbewɔ ekakatanu tshɛ wa lo nkumbo ko kana mbeka woho wa mbakandola lo yoho yoleki dimɛna? [Tshikande akadimole.] Tɔsɛdingole kɛnɛ kata Bible lo Tukedi. [Adia Tukedi 26:20.] Periodikɛ kɛnɛ kekɔ la alako amɔtshi w’eshika w’oma lo Bible wakoka nkimanyiya waa nkumbo dia yɔ ndeka monga la wɔladi lo nkumbo yawɔ.”