Bɛnyɛlɔ dia mbɔtwɛlɔ (Numɛlɔ kele bu l’Ɔtɛtɛla ko nyu menda lo Falase)

Woho wa ntatɛ mbeka l’anto Bible Lushi la samalo la ntondo la Ngɔndɔ ka dikumi l’ahende

“Tekɔ lo ndjakɛtshanya l’ase nkumbo tshɛ dui dimɔtshi di’ohomba efula. Ambutshi efula nangaka di’anawɔ nanga Nzambi. Onde wɛ fɔnyaka dia ɔsɔ ekɔ dui diakoka ambutshi mbetsha anawɔ, kana ana vɔamɛ mbakoka nsala dui sɔ?” Tshikande akadimole. Ɛnyande l’ɛkɛ l’ekomelo la Tshoto y’Etangelo ya Ngɔndɔ ka dikumi l’ahende 1, ndo nyɔsɛdingole awui wele l’ɛse ka dimbola dia ntondo ndo nyadia kaanga divɛsa ɔtɔi dioshilami. Shande periodikɛ ndo nyokane lushi layoyokalola dia nyu ndjɔkɛtshanya dimbola dikina.

Tshoto y’Etangelo Ngɔndɔ ka dikumi l’ahende 1

“Tekɔ lo tembola anto dia nsawola la wɔ lo tshena pe lo kɛnɛ kendana la Nzambi. Sho mbeyaka dia onto tshɛ ekɔ la kanyi yotshikitanyi lo dikambo dia Nzambi. Onde wɛ fɔnyaka di’anto efula mbɔɔsaka dia nde ekɔ wolo wahɛnama kana ɔnɛ nde ekɔ ɔngɛnyi awɔ waakokɛ? [Tshikande akadimole.] Divɛsa dia lo Bible nɛ totɛka woho wa diɔtɔnganelo dia langa Nzambi sho monga la nde. [Adia Jakɔba 4:8a.] Periodikɛ kɛnɛ nembetshiyaka akambo asato wakokaso nsala dia ndeka ndjasukanya la Nzambi.”

Réveillez-vous ! Ngɔndɔ ka dikumi l’ahende

“Tekɔ lo tembola anto lo tshena pe lo kɛnɛ kendana la hemɔ kɛmɔtshi katata anto efula. Lo ndjela Organisation mondiale de la santé, hemɔ ya l’ɛtɛ, ɛnyɛlɔ l’anto anɛi, onto ɔtɔi mongaka l’ɔkɔmwɛlɔ lo akambo amɔtshi wa lo lɔsɛnɔ. Onde wɛ fɔnyaka dia hemɔ ya l’ɛtɛ shɔ yambokokanɛ le anto tshɛ? [Tshikande akadimole.] Bible toshaka elongamelo dia lo nshi yayaye, anto hawotonga la hemɔ nto kana l’asui la nkɛtɛ. [Adia Ɛnyɛlɔ 21:3, 4.] Periodikɛ kɛnɛ tɛnyaka akambo amɔtshi wakoka anto mbeya lo kɛnɛ kendana la hemɔ ya l’ɛtɛ.”