Onde wɛ kambaka la JW Library?

JW Library ekɔ prɔgramɛ k’ofele kayokokimanyiya dia wɛ telesharjɛka Bible, ekanda ekina, tovidɛo ndo awui wakadjama l’eshinga oya lo telefɔnɛ, tablɛtɛ kana ɔrdinatɛrɛ ayɛ.

WOHO WA KIKONDJA: Ɔtɔ l’Ɛtɛrnɛtɛ ndo ɛstalɛ JW Library oma lo app store. Onto koka nkamba la prɔgramɛ kɛsɔ lo telefɔnɛ, lo tablɛtɛ kana l’ɔrdinatɛrɛ. Etena kɔtɔyɛ l’Ɛtɛrnɛtɛ, dihola prɔgramɛ ka app ndo nsɔna diangɔ dialangayɛ telesharjɛ oya lo telefɔnɛ, tablɛtɛ kana oya l’ɔrdinatɛrɛ ayɛ. Naka wɛ hakoke mbɔtɔ l’Ɛtɛrnɛtɛ lakayɛ, kete ondo wɛ koka nsala dui sɔ lo Mbalasa ka Diolelo, lo bibliɔtɛkɛ ɔmɔtshi w’anto tshɛ kana lo kabinɛ kele suke la lakayɛ. Naka wɛ ambotelesharjɛ ekanda lo telefɔnɛ, tablɛtɛ kana ɔrdinatɛrɛ ayɛ, kete wɛ keema nto l’ohomba wa mbɔtɔ l’Ɛtɛrnɛtɛ dia wɛ mbawadia. Lam’ele dihomɔ di’eyoyo sɔ kotshamaka mbala la mbala lo JW Library, wɛ pombaka mbɔtɔka lɛkɔ mbala la mbala ndo telesharjɛka diangɔ di’eyoyo.

LANDE NA KIKONDJA? JW Library ekɔ ehomɔ k’ohomba efula katokimanyiya dia nsala wekelo w’onto ndaamɛ kana tayelaka wonya wasalema nsanganya ya l’etshumanelo. Tɔ kekɔ ohomba efula nto l’olimu w’esambishelo ndo tɔ kimanyiyaka efula djekoleko l’etena kasambiashaso lo tshakitudi.