Toho ta nkamba la JW Library

DIKAMBO DIA WEKELO:

• Adia Bible ndo divɛsa dia lushi la lushi

• Adia Annuaire, periodikɛ ndo ekanda ekina. Kamba la yangɔ yadjawɔ lam’asa dikatshi la dikatshi

• Lɔngɔsɔla nsanganya ya l’etshumanelo ndo ka epole ɔsɛkɛ l’ekadimwelo wele ohomba

• Enda tovidɛo

LO NSANGANYA:

• Yanga avɛsa wakamba l’ɔtɛkɛtshi. Kamba la dui dimɔtshi dia l’ɔkɔndɔ diayokokimanyiya dia ntana divɛsa

• Lo dihole dia wɛ mbela lokema l’ekanda lo losanganya, nkamba l’ɔrdinatɛrɛ, telefɔnɛ kana tablɛtɛ kayɛ dia wɛ tayelaka tenyi dia nsanganya ndo memba esambo. JW Library ekɔ l’esambo w’eyoyo wele bu lo dibuku di’esambo diele la so

L’OLIMU W’ESAMBISHELO:

• Ɛnya onto ɔmɔtshi lɛnya nsaki awui amɔtshi w’oma lo JW Library ndo oma laasɔ, kimanyiyande dia telesharjɛ ekanda oya lo telefɔnɛ, tablɛtɛ kana oya l’ɔrdinatɛrɛ ande

• Kamba l’ehomɔ k’eyangelo dia ntana divɛsa dia lo Bible. Naka etelo kɛmɔtshi hɛnama lo Ekadimwelo k’andja w’oyoyo kambofusɔma, kete wɛ koka kiyanga lo Les Saintes Écritures. Traduction du monde nouveau (avec notes et références) ndo nsala eyangelo nto

• Ɛnya vidɛo. Naka ompokami ekɔ la ana, kete wɛ koka mbɛnya vidɛo mɔtshi y’oma lo tovidɛo tɔnɛ: Koma ɔngɛnyi wa Nzambi. Kana wɛ koka mbɛnya vidɛo yele l’ɔtɛ a dui ɔnɛ: Lande na mbeka Bible? lo nomialomia nsaki k’onto akɔ dia mbeka Bible. Naka onto ɔmɔtshi tɛkɛtaka ɔtɛkɛta okina, kete ɛnyande vidɛo mɔtshi ya l’ɔtɛkɛta ande

• Ɛnya onto ɔmɔtshi divɛsa dia l’ɔtɛkɛta okina, di’oma lo ekadimwelo kekina kakayatelesharjɛ. Tshɔka la divɛsa, ko wɛ tapɛ shifidi, oma laasɔ ko wɛ tapɛ la yangɔ yele ikɔnɛ akɔ wamɛ