Tokambe la sitɛ kaso ka l’Ɛtɛrnɛtɛ dia wekelo aso w’onto ndamɛ ndo wa lo nkumbo

Tadiake periodikɛ yeke ka ntomba l’Ɛtɛrnɛtɛ: Adia La Tour de Garde la Réveillez-vous ! watanema l’Ɛtɛrnɛtɛ mingu efula la ntondo ka sho nongola kɔpi yayɔ lo tshumanelo. Hokamɛ ndo awui w’oma lo periodikɛ wakadjama l’eshinga.​—Tshɔka lo “Publications” oma laasɔ “Revues.”

Tadiake awui wayotanemaka paka lo sitɛ kaso ka l’Ɛtɛrnɛtɛ: Asawo amɔtshi wotanema l’adrɛsɛ aso wa l’Ɛtɛrnɛtɛ, ɛnyɛlɔ: “Pour nos jeunes lecteurs,” “Comptines bibliques,” “Le coin des familles” ndo “Les jeunes s’interrogent.” Tshɔka l’Ɛtɛrnɛtɛ ndo sɛdingola awui amɔtshi l’atei awɔ lo wekelo ayɛ w’onto ndamɛ ndo wa lo nkumbo.​—Tshɔka lo “La Bible et vous” oma laasɔ “Adolescents” kana “Enfants.”

Tadia nsango yeke ka ntomba: Tadia alapɔlɔ ndo awui weke ka salema wakeketsha ndo tende tovidɛo tatomondo tɛnya woho watahame olimu aso l’andja w’ontondo. Alapɔlɔ wendana la mpokoso ndo ɛhɛnyɔhɛnyɔ wahomana l’anangɛso ndo l’akadiyɛso koka tokimanyiya dia sho mbadja l’alɔmbɛlɔ. (Jak. 5:16)​—Tshɔka lo “Actualités.”

Tosale eyangelo lo nkamba l’ekanda aso watanema l’Ɛtɛrnɛtɛ: Naka Ɛtɛrnɛtɛ wekɔ l’ɔtɛkɛta ayɛ, kete wɛ mbeyaka nkamba la ɔrdinatɛrɛ wa woke kana wa l’anya dia mbadia divɛsa dia lushi la lushi l’Ɛtɛrnɛtɛ kana nsala eyangelo l’ekanda aso ɛmɔtshi weke ka ntomba.​—Tshɔka lo “Publications” oma laasɔ “Bibliothèque en ligne,” kana wɛ mbidja www.wol.jw.org lo kiombo yele la diko ka ɔrdinatɛrɛ ayɛ.

[Diagramɛ dia lo lɛkɛ 4]

(Dia mbeya awui tshɛ enda l’okanda)

Nsala nganɛ:

1 Klikɛ l’osato kana lam’ofundjiwɔ ɔnɛ: “Télécharger.” Osato wayotondja didishi dia dɔkima dia PDF. Ɛprimɛ dɔkima diakɔ ndo sha anayɛ.

2 Klikɛ “Lecture” dia menda vidɛo.