Tolowanya akoka aso wa nsambisha lo nkamba la tovidɛo dia mbetsha anto:

OHOMBA WA DIKOKA SƆ:

Tovidɛo tɔnɛ koka minanda etema w’anto oma lo kɛnɛ kangɛnyangɛnya washo ndo atoyi awɔ. Kɛsɔ kimanyiyaka dia nkotola yambalo y’onto ndo dia nde mbisha kanyi yande. Jehowa akatotshikɛ ɛnyɛlɔ koleki dimɛna lo nkamba la diangɔ diɛnama dia mbetsha anto.—Ets 10:9-16; Ɛny 1:1.

Tovidɛo tele l’ɔtɛ a dui ɔnɛ: Onde Nzambi ekɔ la lokombo?, Ele kiɔkɔ ya Bible?, lo Falase ndo Ngande wakokaso ndjashikikɛ ɔnɛ Bible kekɔ mɛtɛ? lo Falase kotshaka awui akina wendana la wekelo 2 ndo 3 wa biukubuku Lokumu l’ɔlɔlɔ. Tovidɛo tele l’ɔtɛ a dui ɔnɛ: Lande na mbeka Bible?, Ngande wasalema wekelo wa Bible? ndo Kakɔna kasalema lo Mbalasa ka Diolelo? keketsha onto l’onto dia mbeka la so Bible ndo mbɔtɔka mbala la mbala lo nsanganya ya l’etshumanelo. Sho kokaka nkamba la tovidɛo taso tɔmɔtshi t’etale etena kekaso l’anto Bible.—km 5/13 3.

WOHO WA NSALA DUI SƆ:

• Telesharjɛ la ntondo vidɛo yakombolayɛ mɛnya ompokami ayɛ

• Lɔngɔsɔla dimbola ɔtɔi kana ahende wayokadimɔma lo tshimbo ya vidɛo

• Nyende vidɛo kaamɛ

• Nyɔkɛtshanya awui w’ohomba

HEMBA NSALA NGANƐ:

• L’ekomelo ka traktɛ kaso kɛmɔtshi, kotola yambalo y’ompokami lo kodɛ kakonya lo vidɛo yele l’ɔtɛ a dui ɔnɛ: Lande na mbeka Bible?

• Ɛnyande vidɛo yele l’ɔtɛ a dui ɔnɛ: Ngande wakokaso ndjashikikɛ ɔnɛ Bible kekɔ mɛtɛ? lo Falase ndo shande biukubuku Lokumu l’ɔlɔlɔ, ka epole ɔsɛkɛ lo wekelo 3