Esambishelo ka laande dia mbisha anto Tshoto y’Etangelo lo Ngɔndɔ ka divwa

Anto wa l’andja w’otondo wekɔ l’ohomba w’esambelo. (Und 4:1) Lo Ngɔndɔ ka divwa k’otondo, tayodja welo wa laande dia mbisha anto Tshoto y’Etangelo, yayonga l’asawo wayosamba anto. Katosha anto efula periodikɛ kɛsɔ. Koko, lam’ele sho kombolaka nsawola l’anto mbala kakɔ ɔtɔi l’oyango wa mbasamba, hatototshika periodikɛ lo mvudu yahatatotana anto.

KƐNƐ KA MBUTA

“Sho tshɛ tongaka l’ohomba wa sambema lo tena dimɔtshi. Ko lende akokaso ntana esambelo kɛsɔ? [Adia 2 Kɔrɛtɔ 1:3, 4.] Numɛlɔ kɛnɛ ka Tshoto y’Etangelo mɛnyaka woho watosha Nzambi esambelo kɛsɔ.”

Naka onto ambɛnya nsaki ndo ambetawɔ periodikɛ, . . .

ƐNYANDE VIDƐO LANDE NA MBEKA BIBLE?

Oma laasɔ, lɔmbande dia mbeka la nde Bible.

TSHIKA DUI DIMƆTSHI DIA NDJOSALA WENDELO W’OYOYO

Okande dimbola dimɔtshi diayoyokadimola etena kayoyokalola, ɛnyɛlɔ oko, “Lande na katshika Nzambi asui?”