Tolowanya akoka aso wa nsambisha—Lo nkeketsha wanɛ wayasha lo akambo wa mɛtɛ dia mbɔtɔka lo nsanganya

OHOMBA WA DUI SƆ: Nsanganya toshaka waaso wa ‘membɛka Jehowa’ ndo wa ‘mbotombolaka’ mbala la mbala. (Osam 149:1) Lo nsanganya, sho mbetshamaka dia nsala lolango laki Nzambi. (Osam 143:10) Mbala efula, wanɛ wayasha l’akambo wa mɛtɛ ndo ambeki wa Bible salaka ehamelo w’efula etena katatɛwɔ mbɔtɔ lo nsanganya.

WOHO WA NSALA DUI SƆ:

• Towaele oya lo nsanganya aha la ntshimbatshimba. Hatohombe nkonga dia paka wekelo wa Bible wamboshikimala.—Ɛny 22:17

• 

  Tolembetshiya onto layasha l’akambo wa mɛtɛ kɛnɛ kakokande nongamɛ ndo kɛnɛ kayɔtɛkɛtama lo losanganya la mbala kayaye. Dihomɔ diayela nɛ koka nkimanyiya lo dikambo sɔ: dikatshi dia leeta l’oya lo losanganya la l’etshumanelo, vidɛo yele l’ɔtɛ a dui ɔnɛ Kakɔna kasalema lo Mbalasa ka Diolelo?, ndo wekelo 5 la 7 wa biukubuku Lolango la Jehowa

• 

  Tosha ekimanyielo. Onde onto layasha l’akambo wa mɛtɛ ekɔ l’ohomba wa yema ya dikuta dia mfuta mutuka kana mututu kana wa nsɔna dihɔndɔ dia dimɛna dia ndɔta? Djasɛ suke la nde lo losanganya, ndo shande ekanda ayɛ ɛmɔtshi. Eyanyande le anto akina