YASHA L’OLIMU W’ESAMBISHELO | FUDIA ƆNGƐNƆNGƐNƆ AYƐ L’OLIMU L’ESAMBISHELO
Kimanyiya ambeki wa Bible dia vɔ mbɔtɔka nsanganya
Nsanganya ya l’etshumanelo yekɔ etenyi k’ohomba efula ka lo ɔtɛmwɛlɔ wa pudipudi. (Os 22:22) Wanɛ tshɛ wasangana dia ntɛmɔla Jehowa mongaka l’ɔngɛnɔngɛnɔ ndo l’ɛtshɔkɔ. (Os 65:4) Mbala efula ambeki wa Bible ndekaka mpama esadi esadi etena kɔtɔwɔ nsanganya mbala la mbala.
Ngande wakokanyu nkimanyiya ambeki wa Bible dia mbɔtɔka nsanganya? Nyotetemale mbaelɛka lo nsanganya. Ɛnya vidɛo yele l’ɔtɛ a dui ɔnɛ: Kakɔna kasalema lo Mbalasa ka Diolelo? Lembetshiya wahɔ wakondjaso lo nsanganya. (lff wekelo 10) Wɛ koka nkahana la wɔ dui dimɔtshi shikaa diakayeke oma lo losanganya kana mbohola awui wayɔkɛtshanyema lo losanganya layela. Sha ambeki ayɛ ekanda wayonyokamba lawɔ lo losanganya. Ndo nto, shawɔ ekimanyielo ka shikaa. Mbeyaka monga ko vɔ wekɔ l’ohomba wa dikuta dia mfuta mututu kana mutuka. Welo tshɛ wayoyodja wayonga ohomba etena kayotshɔ ambeki ayɛ lo losanganya mbala ka ntondo.—1Kɔ 14:24, 25.
NYENDE VIDƐO YELE L’ƆTƐ A DUI ƆNƐ: KIMANYIYA AMBEKI AYƐ WA BIBLE DIA VƆ MBƆTƆKA NSANGANYA NDO OMA LAASƆ, NYOSHA EKADIMWELO LO AMBOLA WAYELA ANƐ:
Diaaso diakɔna diakakambi la Neeta dia mbelɛ Ehadi lo losanganya la l’etshumanelo?
Lande na kongaso l’ɔngɛnɔngɛnɔ etena kɔtɔ ombeki aso wa Bible lo nsanganya?
“Nzambi ekɔ mɛtɛ l’atei anyu”
Awui akɔna wakɛnyi Ehadi etena kakandɔtɔ mbala ka ntondo lo losanganya?