Onde wɛ ekɔ lo nkamba dimɛna la Kartɛ ka woho wa mbɔtɔ lo JW.ORG?

Lam’ele mfɔnu ka woke kekɔ lo ndjasukana, olimu aso w’esambishelo wekɔ wanyandja. (Tuk 24:11, 12, 20) Dia nkimanyiya anto, sho koka nkamba la Kartɛ ka woho wa mbɔtɔ lo JW.ORG dia nkotola yambalo yawɔ oya l’Ɔtɛkɛta wa Nzambi ndo lo sitɛ kaso k’Ɛtɛrnɛtɛ. Kartɛ kɛsɔ kekɔ la kodɛ katɔla lo vidɛo yele l’ɔtɛ a dui ɔnɛ Lande na mbeka Bible? ndo tɔ kimanyiyaka dia mbeya awui amɔtshi kana dia mbeka Bible. Anto amɔtshi hawolange nongola ekanda aso koko nangaka mbɔtɔ lo sitɛ kaso. Tengengake mbasha kartɛ ka woho wa mbɔtɔ lo JW.ORG. Koko totshikɛke anto wahɛnya nsaki Kartɛ ka woho wa mbɔtɔ lo JW.ORG.

Etena katayatshu lo elimu ayɛ wa lushi la lushi, wɛ koka memula nsaki k’onto ɔmɔtshi lo mbotɛ tsho ɔnɛ: “Lekɔ la ɛngɔ kɛmɔtshi kalangami kosha. Kartɛ kɛnɛ koka kokimanyiya dia wɛ mbɔtɔ lo sitɛ kɛmɔtshi dia wɛ mbeya awui amɔtshi ofele ndo tovidɛo totshikitanyi.” (Jni 4:7) Lam’ele kartɛ ya woho wa mbɔtɔ lo JW.ORG yekɔ totshitshɛ, wɛ koka kimɛ mɔtshi dia mbisha anto lo diaaso tshɛ.