Kamba l’etenyi kele l’ɔtɛ a dui ɔnɛ: Yaayo kele lo JW.ORG l’esambishelo

Etenyi ka lo sitɛ kaso kele l’ɔtɛ a dui ɔnɛ: Yaayo kekɔ l’asawo ndo tovidɛo takalɔngɔswama lo dikambo di’anto wele l’etema w’ɛlɔlɔ wele bu Ɛmɛnyi wa Jehowa. (Ets. 13:48) Mbala efula etenyi kɛsɔ mongaka l’asawo weke katomba kana awui wakanyiya anto ndo watɛkɛtawɔ.

Ngande wakokakayɛ nkamba l’etenyi kele l’ɔtɛ a dui ɔnɛ yaayo ka lo jw.org l’esambishelo?

• Ɔtɔka lo sitɛ mbala la mbala. Funda awui weke katomba lɔkɔ ndo enda woho wakokakayɛ nkamba la wɔ dia nkimanyiya onto ɔmɔtshi lambɛnya nsaki. (Dia ntana awui amɔtshi weke katomba l’etenyi kɛsɔ, klikɛ lam’ofundjiwɔ ɔnɛ: “ɔkɔndɔ wa woho akɔ waamɛ.”) Mendaka awui w’eyoyo wadjawɔ lo sitɛ kaso ayokokimanyiya dia monga la tokanyi t’eyoyo ta nkamba la tɔ l’olimu w’esambishelo.

• Kamba l’asawo ndo tovidɛo tele l’etenyi kele l’ɔtɛ a dui ɔnɛ: Yaayo dia ntatshiya sawo. Awui asɔ koka tokimanyiya dia mbeya kɛnɛ kakanyiya anto wa l’ɛtshi kaso ka nkɛtɛ.

• Ɛnya anto etenyi ka lo sitɛ kaso kele l’ɔtɛ a dui ɔnɛ: Yaayo. Ɛnyande awui amɔtshi shikaa ndo ɛnyande woho wakokande nkoma lo awui akina wele lo sitɛ kaso.

• Toma liɛ. Anto amɔtshi hawolange nsawola la so okoko l’okoko, koko vɔ nangaka mbɔtɔ lo sitɛ kaso. Ɔnkɔnɛ, tengengake dia tomɛ onto lakɛnya saki liɛ latɔla otsha l’etenyi kele l’ɔtɛ a dui ɔnɛ: Yaayo kana latɔla otsha lo sawo dimɔtshi shikaa kana vidɛo mɔtshi yele lɛkɔ.