“Dimi ɔnɛ, ontome!”

Yimba yaki Isaya ya ndjakimɔ la lolango sunganaka dia sho mbokoya. Nde akɛnya mbetawɔ ndo aha la ntshimbatshimba, nde aketawɔ dia ntshɔ lɛnɛ aki ohomba kaanga mbakinde kombeyaka awui tshɛ wendana la ɔkɛndɛ ɔsɔ. (Isa 6:8) Onde wɛ koka nsala etshikitanu ɛmɔtshi l’oyango wa tokamba lɛnɛ ewɔ l’ohomba efula w’apandjudi wa Diolelo? (Os 110:3) Lo mɛtɛ, ekɔ ohomba “nkamba akumi” la ntondo ka monɔ. (Luk 14:27, 28) Koko, etawɔ la lolango dia ndjahombia awui amɔtshi l’oyango wa mbisha lonya l’olimu w’esambishelo. (Mat 8:20; Mak 10:28-30) Oko wɛnyamidiɔ lo vidɛo yele l’ɔtɛ adui ɔnɛ, Monɔ dia tokamba lɛnɛ ele ohomba efula, ɛtshɔkɔ wakondjaso l’olimu wa Jehowa ndeka la fwa kɛnɛ tshɛ kakokaso ndjahombia.

L’ƆKƆNGƆ WA NYU MENDA VIDƐO, NYOKADIMOLE LO AMBOLA WAYELA ANƐ:

• Naa awui amɔtshi wakayahombia nkumbo kaki Williams l’oyango wa tokamba la Équateur?

• Naa awui amɔtshi wakawasɛdingola etena kakawasɔnaka lɛnɛ akawahombe tokamba?

• Ɛtshɔkɔ akɔna wakawakondja?

• Lende akokayɛ ntana awui efula wendana la monɔ dia tokamba lɛnɛ ele ohomba?

LO ƆTƐMWƐLƆ ANYU WA LO NKUMBO WAYELA, NYƆKƐTSHANYA AMBOLA WAYELA ANƐ:

• Ngande wakokaso mpamia olimu aso w’esambishelo oko nkumbo? (km 8/11 4-6)

• Naka sho bu l’akoka wa tokamba lɛnɛ ele ohomba efula, lo toho takɔna takokaso nkimanyiya etshumanelo kaso? (w16.03 23-25)