Woho wa nkamba la biukubuku​—Hokamɛ Nzambi

Biukubuku Hokamɛ Nzambi yakatondjama dia mbetsha akambo wa mɛtɛ w’etatelo wa lo Bible le anto wele la okakatanu dia mbadia. Wekelo tshɛ mbɔsaka ndjɛkɛ hiende yele la esato wakalɔngɔsɔma dimɛna ndo wele la akɔnga wakimanyiya dia nkɛtshanya osato la osato.

Biukubuku Hokamɛ Nzambi dia wɛ nsɛna pondjo pondjo yekɔ la esato akɔ waamɛ wele lo Hokamɛ Nzambi, koko Hokamɛ Nzambi dia wɛ nsɛna pondjo pondjo ekɔ la efundelo kambe ndo ambeki wele la yema y’akoka wa mbadia koka nkamba la yɔ. Mbala efula apandjudi mɛnaka ohomba nkamba la yɔ etena kele ombeki ekɔ lo takambe la Hokamɛ Nzambi. Ndjɛkɛ efula yekɔ la kiombo yele la awui akina wakokanyu nkɛtshanya ndo dui sɔ diayolemanɛ la akoka wele la ombeki.

Sho koka kahɛ anto biukubuku nyɛ oyadi yɔ bu l’atei w’ekanda wayotosha anto lo ngɔndɔ. Etena kalɔmbɔlayɛ wekelo wa Bible, kamba la esato dia nembetshiya ɔkɔndɔ wa lo Bible. Kamba la ambola dia ntshutshuya ombeki dia nde ntɛkɛta ndo dia ndjashikikɛ ɔnɛ nde amboka. Nyadia ndo nyɔkɛtshanya avɛsa wele l’ɛse ka lɛkɛ tshɛ. Naka nyambomana biukubuku nyɛ, ko nyu mbeka dibuku Bible etshatɔ mɛtɛ? kana Kakɔna kakoka Bible tetsha? dia nkimanyiya ombeki ayɛ dia nde mpama polo lo batisimu.