Tolowanya akoka aso wa nsambisha​—Lo mbetshaka ambeki aso dia nɔngɔsɔla

OHOMBA WA DUI SƆ: Etena kalɔngɔsɔlawɔ, ambeki wa Bible kokaka nsala la wolo dia nyomoleka monga suke dia nshihodia ndo mbohɔka kɛnɛ kawaetshaso. Etena tshɛ kayowotalekaka nshihodia ndo mbohɔka, mbayowotalekaka nsala ehamelo. Oyadi kaanga vɔ wambobatizama, vɔ wekɔ l’ohomba wa nɔngɔsɔlaka nsanganya ndo ndjalɔngɔsɔlaka otsha l’esambishelo l’oyango wa vɔ ‘ntetemala sungukalaka.’ (Mat 25:13) Ɔnkɔnɛ, naka vɔ mbeya woho wa mbeka ndo wa monga la mbekelo ka dimɛna ka wekelo, kete dui sɔ diayowakondjiyɛ wahɔ efula lo nsɛnɔ yawɔ. Oma l’etatelo, sho pombaka nkimanyiya ambeki aso dia vɔ monga la mbekelo ka ndjalɔngɔsɔlaka lo wekelo awɔ wa Bible.

WOHO WA NSALA DUI SƆ:

• 

  Onga ɛnyɛlɔ ka dimɛna. (Rɔmɔ 2:21) Lɔngɔsɔla wekelo tshɛ lo mbeya ehomba w’ombeki lo yimba. (km 11/15 3) Ɛnyande woho wakayekɛ eshidi lo okanda wekanyu

• 

  Keketshande dia nɔngɔsɔlaka. Naka nyamboshikikɛ wekelo, kimanyiyande dia nde mbeya dia ɔlɔngɔswɛlɔ ekɔ yɛdikɔ mɔtshi ya ekongelo ka wekelo wa Bible, ndo lembetshiyande wahɔ wele la dui sɔ. Shande alako w’ohomba wɛnya woho wakokande tshungolaka etena dia nɔngɔsɔlaka. Embetsha ɛmɔtshi mbetawɔka dia ombeki nkamba la okanda wakekɛ ombetsha eshidi wonya wa wekelo dia nkimanyiya ombeki dia nde mɛna wahɔ wa nɔngɔsɔlaka. Andolande etena kalɔngɔsɔlande

• Ɛnyande woho wa nde nɔngɔsɔlaka. L’etatelo, embetsha ɛmɔtshi wayokamba la etenyi kɛmɔtshi k’otondo ka wekelo dia mɛnya ombeki woho wa nɔngɔsɔlaka wekelo