Ɔlɔngɔswɛlɔ wekɔ ohomba dia mbetsha la diewo

Wakambola Yeso dimbola dia woho waamɛ lo kɛnɛ kendana la lɔsɛnɔ la pondjo lo waaso ahende, koko lo diaaso tshɛ, nde akatɔnganyiyaka okadimwelo ande la ehomba waki l’onto lakawoke dimbola. (Luka 10:25-28; 18:18-20) Koko, oyadi kaanga sho mbeyaka okanda wekaso l’anto Bible dimɛna, sho pombaka tawɔlɔngɔsɔdi la ntondo ka ntshɔ dia teka la ombeki aso, teeya ehomba ande lo yimba. Akambo akɔna wende la okakatanu dia nshihodia kana dia mbetawɔ? Lo avɛsa woshilami, wakɔna wakokaso mbadia la nde? Edingɔ engana wakokaso mbeka la nde? Sho kokaka nɔngɔsɔla ɛnyɛlɔ kɛmɔtshi, olembetshiyelo ɔmɔtshi kana ambola amɔtshi wakoka nkimanyiya ombeki dia nshihodia wekelo akɔ. Laadiko dia laasɔ, lam’ele Jehowa mbodia ntɔngɔ ya akambo wa mɛtɛ lo otema, sho pombaka nɔmba Jehowa dia nde ntshɔkɔla ɔlɔngɔswɛlɔ aso wa wekelo, ombeki aso, ndo weelo wadjaso dia mbokimanyiya lo nyuma.—1 Kɔr. 3:6; Jak. 1:5.