Tetemala kongɛ l’ekikelo tshɛ

Edja ka ngande kamboyokongɛ Diolelo diaki Nzambi? Onde aya edja efula kakikɛyɛ ekakatanu wa wolo la solo dia lotutsha tshɛ? (Rɔm 8:25) Akristo amɔtshi wekɔ lo diɛnɛ la lohetsho, ɔhɛnyɔhɛnyɔ, kanu ndo kaanga waale wa nyɔi. Akina efula wekɔ lo diɛnɛ l’ekakatanu, ɛnyɛlɔ hemɔ kahakɔnɔ kana la lotshundu l’osombe.

Kakɔna kayotokimanyiya dia kongɛ l’asolo walomɔlomɔ oyadi la ntondo k’okakatanu akɔna tshɛ? Sho pombaka nkeketsha mbetawɔ kaso lo mbadiaka Bible lushi la lushi ndo lo kanaka yimba la kɛnɛ kadiaso. Sho pombaka mbidja yimba yaso tshɛ l’elongamelo kaso. (2Kɔ 4:16-18; Hɛb 12:2) Sho pombaka sɛngasɛngaka Jehowa ndo mbɔlɔmbaka nyuma kande k’ekila. (Luk 11:10, 13; Hɛb 5:7) Shɛso ka ngandji koka tokimanyiya dia “mbikikɛ tshɛ lo tshɛ la solo dia lotutsha ndo l’ɔngɛnɔngɛnɔ.”​—Kɔl 1:11.

NYENDE VIDƐO YELE L’ƆTƐ A DUI ƆNƐ: SHO POMBAKA ‘NDAWƆ LA EKIKELO TSHƐ’​—TONGE L’ESHIKIKELO DIA TAYOKONDJA DIFUTO, NDO OMA LAASƆ, NYOKADIMOLE LO AMBOLA WAYELA ANƐ:

• 

  Naa “awui wa shashimoya” wakoka tokomɛ lo lɔsɛnɔ? (Ond 9:11)

• 

  Ngande watokimanyiya dɔmbɛlɔ etena kahomanaso l’ehemba?

• 

  Naka hatoyokoka nsala akambo efula l’olimu wa Jehowa oko wakatasalaka ntondo, lande na kahombaso ndeka ndjasha lo kɛnɛ kakokaso nsala?

• 

  Kakɔna kakokimanyiya dia ntetemala monga l’eshikikelo dia nkondja difuto?