LƆSƐNƆ L’OKRISTO

Jehowa nangaka anto wele pudipudi

‘Kosolake anya ayɛ. Kɔmbake luudu layɛ. Kɔmbake sɛkɛ diayɛ. Kokashake mindo yayɛ lo daala.’ Ambutshi efula mbetshaka anawɔ woho wa monga pudipudi lo demba. Koko, atɔndɔ wendana la pudipudi ndja oma le Nzambi kaso, k’ekila. (Eto 30:18-20; Eoh 23:14; 2Kɔ 7:1) Naka alemba aso ndo diangɔ diaso diekɔ pudipudi, kete sho tombolaka Jehowa. (1Pe 1:14-16) Ko kayotota dikambo dia mvudu yaso ndo dia ahole wotodingi? Otshikitanyi l’anto wakadja mindo l’etadimbo ndo l’ahole wa lo sɛkɛ, Akristo salaka la welo awɔ tshɛ dia mbetɛ nkɛtɛ pudipudi. (Os 115:16; Ɛny 11:18) Oyadi l’awui wa totshitshɛ, ɛnyɛlɔ mbikadja mposo y’alowa, y’abɔtɛ kana y’ahɔhɔ l’otadimbo, kokaka mɛnya woho wɔsaso pudipudi. L’awui tshɛ wendana la lɔsɛnɔ laso, sho “ndjaeyanyaka oko ekambi waki Nzambi.”—2Kɔ 6:3, 4.

NYENDE VIDƐO YELE L’ƆTƐ A DUI ƆNƐ: NZAMBI NANGAKA ANTO WELE PUDIPUDI NDO OMA LAASƆ, NYOKADIMOLE LO AMBOLA WAYELA ANƐ:

Tɛkɛ nɛndɛ takɔna takoka anto amɔtshi mbisha diaha nama diangɔ diawɔ pudipudi?
Ngande wakɛnyaka Ɛlɛmbɛ wa Mɔsɛ kanyi ya Jehowa lo dikambo dia pudipudi?
Ngande wakokaso ntombola Jehowa aha la mbuta ndooko dui?

Ombutshi wa pami ambɔtɔ lo mutuka wa mindo w’ɔnande la pami; vɔ ahende wɔkɛtshanya dikambo di’ɛlɛmbɛ wa Jehowa wendana la pudipudi; ɛlɔmbɛdi ehende wa l’Isariyɛlɛ w’edjedja wele suke la dɔnga dia woke dia konga, dikambo di’osolelo; olui w’esambishelo wambotomba oma lo mutuka waki ɔna ɔsɔ waya kakianɛ pudipudi — Ngande wakokami nkɛnɛmɔla kanyi ya Jehowa lo dikambo dia pudipudi lo lɔsɛnɔ lami?