Waa na wayomelɛ?

Ɔnɔnyi tshɛ sho mbidjaka welo wa laande dia mbelɛ anto wa lo ɛtshi kaso ka nkɛtɛ dia ndjosala Eohwelo kaamɛ la so. Efula l’atei awɔ hatowaeye. Sho pombaka nto mbelɛ anto weyaso. Mbala efula, anto walongola dikatshi dia leeta oma le onto leyawɔ mbaleka ondo mbɔtɔ lo Eohwelo. (yb08-F 11 od. 3; 14 od. 1) Naa anto amɔtshi wakokayɛ mbelɛ?

• Ewotɔ ayɛ

• Asekayɛ wa l’olimu kana asekayɛ wa la kalasa

• Asukanyi ayɛ

• Kalola dia tembola ambeki ayɛ w’edjedja ndo weka layɛ Bible nshi nyɛ

Ndo nto, dikumanyi wayelɛ anto wahayosambisha. Ko naka onto leyaso hadjasɛ l’ɛtshi kaso ka nkɛtɛ? Wɛ koka nyanga wonya ndo dihole diayosalema Eohwelo lo dihole diodjashiyɛ lo klikɛ lam’ofundjiwɔ ɔnɛ: AWUI WENDANA LA SO la diko ka jw.org, ko wɛ nsɔna lam’ofundjiwɔ “Eohwelo.” Etena kayalɔngɔsɔlayɛ dikambo dia eohwelo k’ɔnɔnyi ɔnɛ, kanyiya anto wakokayɛ mbelɛ, ndo oma laasɔ, ko wɛ mbaelɛ.