Onde wɛ koka nkimɔ wenya ndo wolo ayɛ?

Oko wakatatshi omvutshi Isaya, tekɔ lo mɛna ohamelo wele watasalemaka lo etenyi ka la nkɛtɛ ka okongamelo wa Jehowa. (Isa 54:2) Lo menda ohamelo wa diambo ɔsɔ, tekɔ l’ohomba wa Mbalasa y’eyoyo ya Diolelo, ya sanganya ya weke, ndo ɔkɛndɛkɛndɛlɔ wa mvudu ya bɛtɛlɛ. L’ɔkɔngɔ wa wokelo ayɔ, mvudu shɔ yekɔ l’ohomba w’ekokelo ndo mɔtshi pombaka nɔngɔsama nto. Waaso akɔna watosha dui sɔ lo nkimɔ wenya aso ndo wolo aso le Jehowa?

• Sho koka ndjasha l’osolelo etena kakongɛwɔ dia olui aso w’esambishelo mbayosola Mbalasa ka Diolelo

• Sho koka ndjakimɔ la lolango lo nongola elowanyelo lo kɛnɛ kendana la ɔlɔngɔswɛlɔ wa Mbalasa kaso ka Diolelo

• Sho koka ndodia Dɛmandɛ dia mbetawɔma oko onto layasha la lolango lo olimu wa wokelo wa lo wodja (DC-50) lo Falase dia kimanyiyaka tena dimɔtshi lo wokelo ndo lo ɔlɔngɔswɛlɔ ndo l’elimu ɛmɔtshi wa l’okongamelo wasalema nsuke la lɛnɛ odjashiso

• Sho koka ndodia Dɛmandɛ dia mbetawɔma oko onto layasha la lolanga (A-19) lo Falase dia ndjakimɔ la lolango lo kambaka lomingu ɔtɔi kana ndekana lo bɛtɛlɛ ka l’ɛtshi kaso ka nkɛtɛ kana lo ɔkɛndɛkɛndɛlɔ wa mvudu kina ya bɛtɛlɛ

NYENDE VIDƐO YELE L’ƆTƐ A DUI ƆNƐ: PRƆJƐ K’OYOYO KA WOKELO KAMBOKONGƐMA​—ETENYI NDO OMA LAASƆ, NYOKADIMOLE LO AMBOLA WAYELA ANƐ:

• Ohamelo akɔna wataleke salema l’okambelo aso wa la tovidɛo ntatɛ oma l’ɔnɔnyi wa 2014?

• La oyango wa nyomoleka ntondja tovidɛo efula dikambo dia ɔtɛmwɛlɔ aso, ekongelo kakɔna ka wokelo kambɔsama ndo etena kakɔna kayotatɛ olimu ɔsɔ ndo kayowoshila?

• Ngande wakokaso ndjakimɔ la lolango dia nkimanyiya lo wokelo ɔsɔ?

• Naka sho nangaka tokimanyiya lo wokelo wa la Ramapo, lande na keso hatolodia dɛmandɛ dia (DC-50) ndo ndjasha lo Ekongelo ka lo ngelo kendana la wokelo wosukanyi la so wa l’ɛtshi kaso ka nkɛtɛ?

• Djembetelo yakɔna yɛnya dia Jehowa mbalɔmbɔla olimu ɔnɛ?

• Ngande wakokaso nsukɛ wokelo ɔnɛ, oyadi kaanga sho bu l’akoka watshɔ lɛkɔ tokimanyiya?