Okaka ambola

Jehowa, “Nzambi k’ɔngɛnɔngɛnɔ,” kombolaka dia sho monga l’ɔngɛnɔngɛnɔ l’olimu w’esambishelo. (1Ti 1:11) Ɔngɛnɔngɛnɔ aso wayofula etena kayotokambaka la wolo dia ndowanya akoka aso. Mboka ambola koka nomialomia nsaki ndo ɔsɔ okongaka yoho ya dimɛna ya ntatshiya sawo. Ambola keketshaka anto dia nkanyiya ndo dia nkana yimba la dui dimɔtshi. (Mat 22:41-45) Etena kokaso dimbola ndo kahokamɛso, ekɔ oko lo yoho mɔtshi tekɔ lo mbutɛ onto ɔnɛ, ‘wɛ ekɔ ohomba le mi.’ (Jak 1:19) Ekadimwelo wayosha onto mbeyaka tokimanyiya dia mbeya yoho yoleki dimɛna ya mbɔtshiya sawo.

NYENDE VIDƐO YELE L’ƆTƐ A DUI ƆNƐ: TONGE L’ƆNGƐNƆNGƐNƆ WAYA LO MBETƐ ANTO AMBEKI​—TOLOWANYA AKOKA ASO​—LO MBOKAKA AMBOLA NDO OMA LAASƆ, NYOKADIMOLE LO AMBOLA WAYELA ANƐ:

• 

  Naa waonga w’amɛna wakakɛnɛmɔla Ehadi?

• 

  Ngande wakakambi Neeta la ambola dia mɛnya dia nde ndjashaka le nde?

• 

  Ngande wakakambi Neeta la ambola dia nomialomia nsaki yaki Ehadi lo lokumu l’ɔlɔlɔ?

• 

  Ngande wakakambi Neeta la ambola dia nkimanyiya Ehadi dia nkanyiya ndo nkana yimba?