Etawɔ ekimanyielo ka Jehowa lo tshimbo ya dɔmbɛlɔ

Jehowa mbasala dia ntɔngɔ y’akambo wa mɛtɛ mbika edio ndo mbola l’otema w’onto ɔmɔtshi. (1Kɔ 3:6-9) Koko, dia sho nkondja etombelo w’ɔlɔlɔ l’esambishelo, sho pombaka ndjaɛkɛ le Jehowa dia nde tokimanyiya ndo kimanyiya ambeki aso wa Bible.

Lɔmba Jehowa dia nde nkimanyiya ambeki ayɛ wa Bible dia vɔ nshika ntanga la ntondo ka tɔsɛngiya ndo dia vɔ ntondoya ekakatanu. (Flp 1:9, 10) Ta dikambo shikaa. Lɔmba ekimanyielo ka nyuma k’ekila dia tɔ nɔmbɔla tokanyi ndo etsha ayɛ. (Luk 11:13) Etsha ambeki ayɛ wa Bible woho wa vɔ nɔmba ndo keketshawɔ dia nsala dui sɔ aha la ntshimbatshimba. Lɔmbaka kaamɛ la wɔ ndo shilaka nkombo y’ambeki ayɛ wa Bible etena kalɔmbayɛ.

NYENDE VIDƐO YELE L’ƆTƐ A DUI ƆNƐ: TONGE L’ƆNGƐNƆNGƐNƆ WAYA LO MBETƐ ANTO AMBEKI​—ETAWƆ EKIMANYIELO KA JEHOWA​—DƆMBƐLƆ, OMA LASSƆ, NYOKADIMOLE LO AMBOLA WAYELA ANƐ:

• Okakatanu akɔna wakahomana la Neeta etena kakandekaka la Ehadi?

• Ngande wakakimanyiya 1 Kɔrɛtɔ 3:6 Neeta?

• Ngande wakakandola Neeta okakatanu wakinde lawɔ?