YASHA L’OLIMU W’ESAMBISHELO | FUDIA ƆNGƐNƆNGƐNƆ AYƐ L’OLIMU L’ESAMBISHELO
Kimanyiya ambeki wa Bible dia vɔ monga la diɔtɔnganelo la Jehowa
Jehowa nangaka dia sho mbokambɛ l’ɔtɛ wa ngandji kawokaso. (Mat 22:37, 38) Ngandji kokawɔ Nzambi mbayokimanyiya ambeki wa Bible dia nsala etshikitanu wahombama ndo dia nshika tanga la ntondo k’ehemba. (1Jn 5:3) Ngandji kokawɔ Nzambi mbayowatshutshuya dia batizama.
Kimanyiya ambeki ayɛ wa Bible dia mɛna ngandji kawaoka Nzambi. Mbolawɔ wate: “Kakɔna kaketsha dui nɛ lo dikambo dia Jehowa?” kana “Ngande wɛnya dui nɛ ngandji kakooka Nzambi?” Kimanyiyawɔ dia nshihodia woho waakimanyiya Jehowa l’onto ndo l’onto. (2Ɛk 16:9) Shawɔ bɛnyɛlɔ diɛnya woho wakakadimola Jehowa alɔmbɛlɔ ayɛ wa shikaa ndo keketshawɔ dia vɔ nembetɛ woho wakadimola Jehowa alɔmbɛlɔ awɔ. Sho mongaka l’ɔngɛnɔngɛnɔ w’efula etena kɛnaso ambeki wa Bible woka dia Jehowa mbaokaka ngandji ndo etena kɛnyawɔ dia vɔ lawɔ mbookaka ngandji.
NYENDE VIDƐO YELE L’ƆTƐ A DUI ƆNƐ: KIMANYIYA AMBEKI WA BIBLE DIA MONGA LA DIƆTƆNGANELO LA JEHOWA, NDO OMA LAASƆ NYOKADIMOLE LO AMBOLA WAYELA ANƐ:
Wekamu akɔna wakahomana la Ehadi?
Ngande wakakimanyiya Neeta Ehadi?
Ngande wakonge Ehadi l’akoka wa mbekola wekamu waki la ntondo kande?