Totetemale ndjalɔngɔsɔla l’etena k’ekomelo “ka nshi y’ekomelo”

Etena kakikɛso etena k’ekomelo “ka nshi y’ekomelo,” tekɔ lo nongamɛ di’ekakatanu wayotadɛka mbidɛ tsho. (2Ti 3:1; “etatelo k’asui” nɔtɛ ka wekelo ka lo Mat 24:8, nwtsty-F) Etena kahomanawɔ la mpokoso kɛmɔtshi, ekambi wa Jehowa nongolaka mbala efula ɛlɔmbwɛlɔ ka la wonya ndo kashimbɛ nsɛnɔ. Panda kaso mbeyaka nemanɛ la woho wayalɔngɔsɔlaso dia monga l’okitanyiya oma ko kakianɛ, oyadi lo nyuma kana lo demba.​—Luk 16:10.

• Woho wa ndjalɔngɔsɔla lo nyuma: Tonge la mbekelo y’amɛna. Teke toho totshikitanyi t’esambishelo. Toyakiyanyake naka wɛ ambokakitɔna lo tshanda mɔtshi l’anto akina wa l’etshumanelo. (Isa 30:15) Wɛ hangani la Jehowa ndo la Yeso.​—od 176 od. 15-17

• Woho wa ndjalɔngɔsɔla lo demba: Laadiko dia monga la tapa diele la diangɔ di’otshikitanyi, onto tshɛ kokaka monga la mbo ya ndɛ yakoka, ashi, ekanga ndo diangɔ dikina dia woho ɔsɔ, diahomba tonyokimanyiya naka wambonyɔlɔmba dia tɔɔlama lo dihole dimɔtshi l’edja k’etena kɛmɔtshi k’otale.​—Tok 22:3; g17-F.5 4, 6

NYENDE VIDƐO YELE L’ƆTƐ A DUI ƆNƐ: ONDE WƐ AMBOYALƆNGƆSƆLAKA DIKAMBO DIA MPOKOSO K’OMA LO DIANGƆ DIAKATONGAMA? NDO OMA LAASƆ, NYOKADIMOLE LO AMBOLA WAYELA ANƐ:

• 

  Ngande wakokaso ndjalɔngɔsɔla lo nyuma etena katomba mpokoso kɛmɔtshi?

• 

  Lande na kahombaso:

  • tetemala sawolaka mbala la mbala la dikumanyi?

  • nɔngɔsɔla tapa diele la diangɔ dia wanyandja?

  • kɛtshanyaka dia weho wa mpokoso yakoka ntomba ndo kɛnɛ kahomba nsala lo ndjela mpokoso la mpokoso?

• 

  Naa toho tosato takokaso nkimanyiya anto akina etena kambowohomana la mpokoso kɛmɔtshi?

YAMBOLA WATE: ‘Wetshelo akɔna wendana la ndjalɔngɔsɔla wakokami nkondja oma lo hemɔ kambokokanɛ ka COVID-19?’