LƆSƐNƆ L’OKRISTO

Onde wɛ amboyalɔngɔsɔla dikambo di’ekakatanu wendana l’ekondjelo?

Hatokashimɔ woho wele awui wasalema l’andja ɔnɛ konyaka l’ekakatanu wendana l’ekondjelo l’ahole tshɛ. Lande na? Nɛ dia tekɔ lo nsɛna l’etena k’ekomelo ka nshi y’ekomelo ndo Bible kekɔ lo tewola di’aha mbidja elongamelo kaso lo “efumbɔfumbɔ k’ɔngɔnyi.” (1Ti 6:17; 2Ti 3:1) Wetshelo akɔna wakondjaso oma l’ɛnyɛlɔ ka nkumekanga Jɛhɔshafata lo kɛnɛ kendana la ndjalɔngɔsɔla dikambo di’ekakatanu wendana l’ekondjelo?

Etena kakawaanɛ wedja waki atunyi ande, Jɛhɔshafata akayaɛkɛ le Jehowa. (2Ɛk 20:9-12) Nde akɔshi nto tɛdikɔ ta shikaa dia nɔngɔsɔla wodja la ntondo lo nkeketsha mpele di’esomba ndo akake mpango y’asɔlayi. (2Ɛk 17:1, 2, 12, 13) L’ɛnyɛlɔ ka nkumekanga Jɛhɔshafata, ekɔ dimɛna sho ndjaɛkɛ le Jehowa ndo mbɔsa tɛdikɔ ta shikaa dia nshika ntanga lo tena dia wolo.

AKOKASO NSALA DIA NDJALƆNGƆSƆLA DIKAMBO DI’EKAKATANU WENDANA L’EKONDJELO?

Yalɔngɔsɔla lo nyuma: Ngɛnangɛnaka la kɛnɛ kele la yɛ ndo nkeketsha wɛkamu ayɛ lo dikoka diele la Jehowa dia kokotshɛ ehomba ayɛ wa lushi la lushi. (Mat 6:26; 1Ti 6:8) Yashikikɛ diaha mɔnyɔla atɔndɔ wa lo Bible dia kotsha ehomba ayɛ. (Rɔm 2:21) Kanyiya woho wayoyotetemala mbadia Bible ndo ekanda walembetshiya Bible etena kayonga kura kana Ɛtɛrnɛtɛ aya bu. Onga l’ekanda ɛmɔtshi wa l’akatshi ndo naka kokaka telesharjɛ ekanda wa l’Ɛtɛrnɛtɛ la ntondo.

Yalɔngɔsɔla lo demba: Kitshakitsha abasa ndo ewɔ adepasɛ w’anyanya la ntondo ka wɛ ndjonga l’ekakatanu wendana l’ekondjelo. (Tok 22:7) Naka kokaka lama yema ya diangɔ dia ndɛ ndo diangɔ dikina di’ohomba. Anto amɔtshi mɛnaka di’ekɔ dimɛna nsala Jardɛ ndo monɛ akatshikatshi l’oyango wa nama falanga.

NYENDE VIDƐO YELE L’ƆTƐ ADUI ƆNƐ: ONDE WƐ AMBOYALƆNGƆSƆLAKA DIKAMBO DIA MPOKOSO K’OMA LO DIANGƆ DIAKATONGAMA? NDO OMA LAASƆ, NYOKADIMOLE LO AMBOLA WAYELA ANƐ:

Esato w’oma lo vidɛo yele l’ɔtɛ a dui ɔnɛ: “Onde wɛ amboyalɔngɔsɔlaka dikambo dia mpokoso k’oma lo diangɔ diakatongama?” Tekɔ lo mɛna Bible, tapa, telefɔnɛ ndo ambiki wa mvudu.

Kakɔna kakokaso nsala onto l’onto dia ndjalɔngɔsɔla dikambo dia mpokoso?

Your answer

Esato w’oma lo vidɛo yele l’ɔtɛ a dui ɔnɛ: “Onde wɛ amboyalɔngɔsɔlaka dikambo dia mpokoso k’oma lo diangɔ diakatongama?” Anangɛso wadja welo dia nkimanyiya wanɛ wambohomɔ mpokoso lo mbakɛ mvudu ndo weko lo mpoloya diangɔ oma lo mutuka.

Ngande wakokaso ndjalɔngɔsɔla dia nkimanyiya anto akina?

Your answer