Onde wɛ amboyalɔngɔsɔla dia mbikikɛ etombelo w’oma lo ta dia lam’asa ase wodja?

Oko wambosukana ekomelo ka dikongɛ di’akambo nɛ, sho nongamɛka di’ata wa lam’asa ase wodja, awui wa dengalenga ndo ata wayofulanɛ. (Ɛny 6:4) Ngande wakokaso ndjalɔngɔsɔla lo kɛnɛ kendana la ekakatanu wa lo nshi yayaye?

• Yalɔngɔsɔla lo nyuma: Eya atɔndɔ ndo ɛkɔndɔ wa lo Bible wakoka nkeketsha wɛkamu ayɛ le Jehowa ndo le okongamelo ande ndo wayokokimanyiya dia nama lomangemange layɛ. (Tok 12:5; jr 125-126 od. 23-24) Ɔnɛ mbele etena ka nkeketsha lɔngɛnyi la lam’asayɛ l’ase etshumanelo.​—1Pe 4:7, 8

• Yalɔngɔsɔla lo demba: Lɔngɔsɔla dihole diahayatotanema lo waale ndo onga la ekanda k’ɔlɔlɔ ka mbo ya ndɛ. Ndo nto, kokongɛ woho wayoyolawɔ oma la ngelo, naka hayokoka wɛ ntshikala. Nyomenda diangɔ diahombayɛ mbidja lo tapa diombaso diangɔ dia wanyandja ndo tohɛke mbidja maskɛ la diangɔ dikina diakokɛ onto ndo yema ya dikuta. Eya woho wakokayɛ mbelɛ dikumanyi ndo yashikikɛ dia vɔ wekɔ la numɛlɔ yayɛ ya telefɔnɛ.​—Isa 32:2; g17.5-F 3-7

Etena kalɔɔma ta, totshikake mbekelo yayɛ ya lo nyuma. (Flp 1:10) Ewɔ dia mimɔ oma lo dihole dimɔtshi otsha lo dihole dikina, naka aha ndawɔ mbatayalawɔ. (Mat 10:16) Kahana mbo ya ndɛ la diangɔ dikina diele la yɛ wɛ l’anto akina.​—Rɔm 12:13.

NYENDE VIDƐO YELE L’ƆTƐ A DUI ƆNƐ: ONDE WƐ AMBOYALƆNGƆSƆLA DIKAMBO DIA MPOKOSO? NDO OMA LAASƆ, NYOKADIMOLE LO AMBOLA WAYELA ANƐ:

• Ngande wakoka Jehowa tokimanyiya etena katomba mpokoso?

• Awui akɔna w’ohomba wakokaso nsala dia ndjalɔngɔsɔla?

• Ngande wakokaso nkimanyiya anto akina wambodiɛnɛ vɔ lawɔ la mpokoso?