Etsha la wangasanu

Wangasanu sambemɛka. Vɔ koka nkotola yambalo y’ampokami aso. Vɔ mɛnyaka nto dia vɔ mbɔsaka losango laso la nɛmɔ. Oyadi dihole diakɔna diakatole kana lonto lele la so, sho kokaka nkɛnɛmɔla wangasanu. (Rɔm 12:11) Lo ngande?

Tondotondo, nkana yimba la ohomba wele la losango layɛ. Wɛ ekɔ la diɛsɛ dia ‘mbewoya lokumu l’ɔlɔlɔ l’akambo w’ɛlɔlɔ!’ (Rɔm 10:15) Dui dia hende, nkana yimba la shɛngiya ya dimɛna yakoka monga la lokumu l’ɔlɔlɔ le ampokami ayɛ. Vɔ mɛtɛ wekɔ l’ohomba wa mpokamɛ kɛnɛ kalangayɛ mbatɛ. (Rɔm 10:13, 14) L’ekomelo, tɛkɛta l’ohetoheto, kamba la tɔjɛstɛ ndo la ɛnamelo k’elungi kayɛ dia nkɛnɛmɔla nsaki.

NYENDE VIDƐO YELE L’ƆTƐ A DUI ƆNƐ: TONGE L’ƆNGƐNƆNGƐNƆ WAYA LO MBETƐ ANTO AMBEKI​—TOLOWANYA AKOKA ASO​—LO MBETSHA LA WANGASANU NDO OMA LAASƆ, NYOKADIMOLE LO AMBOLA WAYELA ANƐ:

• 

  Kakɔna kakakitshakitsha wangasanu waki Neeta etena kakandekaka la Ehadi Bible?

• 

  Kakɔna kakakimanyiya Neeta dia nyomonga nto la wangasanu?

• 

  Lande na kahombaso ndeka mbidja yimba lo waonga w’amɛna wele la ampokami aso?

• Shɛngiya yakɔna yakoka monga la wangasanu aso otsha le ambeki aso wa Bible ndo otsha le anto akina?