YASHA L’OLIMU W’ESAMBISHELO | FUDIA ƆNGƐNƆNGƐNƆ AYƐ L’OLIMU L’ESAMBISHELO
Kimanyiya ambeki wa Bible dia minya mbekelo ya mindo
Paka wanɛ wele pudipudi lo lɔkɛwɔ ato mbakoka monga la diɔtɔnganelo dia ma ma la Jehowa. (1Pe 1:14-16) Etena kanya ambeki wa Bible mbekelo ya kɔlɔ, vɔ mbeyaka nkondja wahɔ efula lo nkumbo, lo yoonge ndo lo ekondjelo kawɔ.
Lembetshiyawɔ atɔndɔ wa Jehowa wendana la lɔkɛwɔ lo yoho yokɛma hwe, ɛkɔkɔ wakandatosha atɔndɔ akɔ ndo ɛlɔlɔ wayowokondja naka vɔ mbaayela. Sala tshɛ dia nkimanyiya ambeki ayɛ dia ntshikitanya ekanelo kawɔ ka yimba, ko oma laasɔ vɔ wayonga l’akoka wa nsala kɛnɛ kalanga Jehowa. (Ɛf 4:22-24) Shikikɛwɔ dia l’ekimanyielo ka Jehowa vɔ kokaka minya mbekelo ya kɔlɔ. (Flp 4:13) Etshawɔ dia nsɛngasɛnga Jehowa dia mbaakimanyiya etena katshutshuyamawɔ dia nsala pɛkato. Kimanyiyawɔ dia mbeya awui wakoka mbadja l’ehemba wahombawɔ mbewɔ. Keketshawɔ dia mpɛnya mbekelo ya mindo la elimu w’amɛna. Wɛ ayonga l’ɔngɛnɔngɛnɔ etena kayoyɛna ambeki ayɛ wa Bible watondoya dia nsala etshikitanu l’ekimanyielo ka Jehowa.
NYENDE VIDƐO YELE L’ƆTƐ A DUI ƆNƐ: KIMANYIYA AMBEKI AYƐ WA BIBLE DIA MINYA MBEKELO YA MINDO, NDO OMA LAASƆ NYOKADIMOLE LO AMBOLA WAYELA ANƐ:
Ngande wakɛnya dikumanyi ndo Neeta dia vɔ ndjaɛkɛka le Ehadi?
Ngande wakatetemala Neeta nkimanyiya Ehadi?
Ngande wakayange Ehadi ekimanyielo oma le Jehowa?