Alako wa woho wa nkamba la sitɛ kaso k’Ɛtɛrnɛtɛ

Woho wa ntana asawo wakatondjama

Anangɛso l’akadiyɛso kambaka l’asawo wɛnyishawɔ ɛtɛ awɔ lo lɛkɛ la ntondo la sitɛ kaso jw.org l’esambishelo. Vɔ bu wolo dia mbaatomɛ anto lo telefɔnɛ kana tablɛtɛ ndo mbala efula asawo asɔ nembetshiyaka woho wakotsha akambo weta nshi nyɛ prɔfɛsiya ya lo Bible. Oko wakafunde ɔnangɛso ɔmɔtshi, asawo wɛnyishawɔ ɛtɛ awɔ lo lɛkɛ la ntondo la sitɛ kaso “wekɔ mɛtɛ kɛnɛ keso la tɔ ohomba lo woho wotosambisha nshi nyɛ.”

Koko asawo wa lo lɛkɛ la ntondo la sitɛ kaso asɔ tshikitanyemaka mbala la mbala. Laasɔ, ngande wakokayɛ ntana asawo wele hawoyɛnyama nto lo lɛkɛ la ntondo ka sitɛ kaso k’Ɛtɛrnɛtɛ?

• Lo lɛkɛ la ntondo la sitɛ kaso ka jw.org, klikɛ lanɛ wofundjiwɔ lo Falase ɔnɛ “Voir plus” suke la la diko ka dikatshi. Lien lɔsɔ layokokonya lanɛ wofundjiwɔ ɔnɛ “Récemment en page d’accueil,” ndo lawɔ mbayoyotana asawo wele atonge edja kakiwɔ lo lɛkɛ la ntondo la sitɛ kaso ka jw.org.

• Lo jw.org kana lo JW Library^®, tshɔka lam’ofundjiwɔ “Library,” oma laasɔ ko lam’ofundjiwɔ “Article Series,” ndo l’ekomelo ko wɛ ntshɔ lofundjiwɔ ɔnɛ “Akambo akina.” Etenyi kɛnɛ kekɔ ndo l’asawo efula wakɛnyama lo dikatshi dia ntondo dia sitɛ kaso.