Yadjɛ eyango lo nshi ya Eohwelo

Ɔnɔnyi tshɛ, ekambi wa Jehowa kongɛka l’asolo walomɔlomɔ dia nsala Eohwelo kaamɛ. Lo mingu ya la ntondo ndo ya l’ɔkɔngɔ wa Eohwelo, sho mongaka la waaso wa laande wa ntombola ndo wa mboka Jehowa losaka l’ɔtɛ wa woshasha w’oshinga w’etshungwelo. (Ɛf 1:3, 7) Ɛnyɛlɔ, sho mbidjaka welo dia mbelɛ anto akina oya lo Eohwelo. Amɔtshi salaka etshikitanu dia nkamba oko ambatshi mboka l’oyango wa nsambisha wenya 30 kana 50 lo Ngɔndɔ ka sato kana ka nɛi. Onde wɛ ayolanga mfudia wenya wetshayɛ l’esambishelo lo nshi ya Eohwelo? Kakɔna kayokokimanyiya dia nsala dui sɔ?

Mbala efula, sho mongaka l’akoka wa nsala awui efula naka sho ndjalɔngɔsɔla la ntondo. (Tok 21:5) Lam’ele Eohwelo kamboleka sukana, ɔnɛ mbele etena ka wɛ ntatɛ ndjakongɛ. Nkanyiya woho wakokayɛ ndjasha efula l’esambishelo lo nshi ya Eohwelo ndo nshikikɛ kɛnɛ kahombayɛ nsala dia nkotsha eyango ayɛ. Oma laasɔ, lɔmba Jehowa dia nde ntshɔkɔla welo ayɛ.​—1Jn 5:14, 15.

Shi wɛ koka nkanyiya toho tɔmɔtshi takokayɛ mpamia olimu ayɛ w’esambishelo lo nshi ya Eohwelo?