Asawo wele bu lo asawo wa wekelo lo Tshoto y’Etangelo

Apandjudi efula kambaka la JW Library^® dia nɔngɔsɔla nsanganya ndo vɔ ngɛnangɛnaka yoho y’atomawɔ mbala kakɔ ɔtɔi lo asawo wa wekelo lo Tshoto y’Etangelo. Koko Tshoto y’Etangelo ya wekelo mbala efula mongaka la asawo akina wele bu lo asawo wa wekelo wele la mbo ya ndɛ ya lo nyuma. Ngande wakokayɛ ntana asawo asɔ ndo nkondja wahɔ oma lɔkɔ, lo nkamba la JW Library?

• L’ekomelo ka sawo tshɛ dia Tshoto y’Etangelo ya wekelo, ekɔ ɔtɛ a dui wahɔnyi wata ɔnɛ: “Adia awui akina.” L’ɛse ka ɔtɛ a dui wahɔnyi ɔsɔ, klikɛ dihole diofundjiwɔ ɔnɛ: “Asawo akina wele lo numɛlɔ kɛnɛ.” Nyomɔsɛdingola ɛtɛ w’awui, ko wɛ ayɛna titrɛ ndo numɛlɔ ka sawo tshɛ dia wekelo. Klikɛ titrɛ ka sawo dimɔtshi diele bu lo asawo wa wekelo diakombolayɛ mbadia.

• Lo dihole diofundjiwɔ ɔnɛ Yaayo dia lo JW Library lo etenyi kata ɔnɛ: “Kɛnɛ kele oyoyo,” telesharjɛ numɛlɔ tshɛ k’oyoyo ka Tshoto y’Etangelo kam’atombayɔ. Dihola periodikɛ kakayatelesharje ndo yangiayangia ɛtɛ w’awui dia ndjashikikɛ kana wɛ ekɔ lo nkondja wahɔ oma lo asawo tshɛ.