Alako wendana la woho wa mbeka

Eka woho wakimɛka “Esambo wa lo nyuma”

“Etena kongami l’ekiyanu efula lo nshi mɔtshi, Jehowa keketshakami lo tshimbo y’esambo wa lo JW Televiziɔ^®.”—Lorraine, U.S.A.

“Esambo wa lo nyuma” wokongaka etenyi kɛmɔtshi k’ɔtɛmwɛlɔ w’Akristo. (Kɔl. 3:16) Naka wɛ mbeka woho wakimɛka esambo ɛsɔ l’ɔtɛ, kete vɔ wokaka kokimanyiya kaanga etena keyɛ bu la dibuku di’esambo kana telefɔnɛ kana tablɛtɛ. Sala la wolo dia ndjela alako anɛ wakoka kokimanyiya dia wɛ kimɛka esambo ɛsɔ l’ɔtɛ.

• Adiaka la yambalo tshɛ ɛtɛkɛta w’osambo akɔ ndo nshihodia kitshimudi yawɔ. Naka wɛ nshihodia kitshimudi ya dui dimɔtshi, kete ayonga dui dia wɔdu wɛ mbodiohɔka. Ɛtɛkɛta wa l’esambo aso tshɛ, mbidja ndo esambo wa laande ndo esambo wendana l’ana w’akɛnda, tanemaka lo jw.org. Ɔtɔ l’etenyi ka Library, lam’ofundjiwɔ ɔnɛ Mishiki.

• Funda ɛtɛkɛta wa l’osambo akɔ l’anya lo dikatshi dimɔtshi. Nsala ngasɔ ondo ayokokimanyiya dia mbohɔka esambo akɔ mbala la mbala.—Eoh. 17:18.

• Oholaka la dui dia wolo. Adia kana embaka osambo akɔ mbala ko mbala.

• Hemba dia menda kana wɛ ekɔ lo nkimɛ l’ɔtɛ. Hemba dia mbohɔka tɔtɛkɛta ta l’osambo akɔ aha la wɛ menda lo dikatshi diakayafundji osambo akɔ, ndo oma laasɔ, sɛdingola dia menda kana wɛ akembi dimɛna.