Wakatombola Jehowa l’ɔngɛnɔngɛnɔ tshɛ lo meembɛ esambo

Pɔɔlɔ la Silasɛ wakatombola Jehowa la esambo etena kakiwɔ lo lokanu. (Ets 16:25) Aha la taamu, esambo wakawembaka wakaakeketsha dia mbikikɛ. Ko kayotota lo dikambo diaso ɛlɔ kɛnɛ? Esambo wakamba la so l’ɔtɛmwɛlɔ aso ndo esambo ekina w’eyoyo kokaka tokeketsha ndo tokimanyiya dia ntshikala la kɔlamelo etena kahomanaso l’ehemba. Laadiko dia laasɔ, vɔ tombolaka Jehowa. (Os 28:7) Takakeketshama dia nkimɛ ɛtɛkɛta w’esambo ɛmɔtshi. Onde wɛ ambohembaka dui sɔ? Sho kokaka membaka esambo l’ɔtɛmwɛlɔ wa lo nkumbo ndo mbeka ɛtɛkɛta wa lɔkɔ.

NYENDE VIDƐO YELE L’ƆTƐ A DUI ƆNƐ: ANA W’AKƐNDA WEKƆ LO NTOMBOLA JEHOWA L’ESAMBO NDO OMA LAASƆ, NYOKADIMOLE LO AMBOLA WAYELA ANƐ:

• 

  Shɛngiya yakɔna yakoka monga la wembelo w’esambo wa Diolelo le so?

• 

  Ngande walɔngɔsɔla departɛma diadja awui l’eshinga (Audio/Vidéo) dia mbidja osambo ɔmɔtshi l’eshinga?

• 

  Ngande walɔngɔsɔla ana ndo nkumbo yawɔ wodjelo w’osambo ɔmɔtshi l’eshinga?

• 

  Esambo akɔna wa Diolelo walekayɛ nanga ndo lande na?