Kɛnɛ kakokayɛ mbeka lo wekelo w’onto ndamɛ ndo l’ɔtɛmwɛlɔ wa lo nkumbo

Sho tɛmɔlaka Jehowa aha paka tsho lo nsangana ya l’etshumanelo, lo nsanganya ya weke, koko ndo l’onto ndamɛ kana lo nkumbo. Ɔnɛ mbele awui wakoka nyokimanyiya dia sɛdingolaka lo wekelo w’onto ndamɛ kana l’ɔtɛmwɛlɔ wa lo nkumbo:

• Nɔngɔsɔla nsanganya ya l’etshumanelo. Wɛ koka nto mbeka esambo ndo nkimanyiya ase nkumbo tshɛ dia mbisha kɔmatɛrɛ kɛmɔtshi.

• Mbadia ɔkɔndɔ ɔmɔtshi wa lo Bible. Oma laasɔ, onga oko wɛ ekɔ lo tɛnyi ɔkɔndɔ watayadia kana mfunda dikambo dimɔtshi diamboyeka oma lɔkɔ.

• Nsɛdingola dɔmbɛlɔ dimɔtshi diatanema lo Bible, ndo nyɔkɛtshanya woho wakokadiɔ nyokimanyiya dia ndowanya alɔmbɛlɔ anyu.

• Enda vidɛo mɔtshi y’oma lo jw.org ndo oma laasɔ, kɛtshanya l’anto akina kana mfunda wetshelo ɔmɔtshi wamboyokondja oma lo vidɛo yakɔ.

• Ndjalɔngɔsɔla dikambo di’olimu w’esamishelo. Ondo ose nkumbo kayɛ ɔmɔtshi koka monga oko onto lasambishayɛ ndo nyu koka nsala ɛnyɛlɔ ka woho wakokanyu tosawola l’onto.

• Nsɛdingola etongelo ndo nkana yimba la tɔ kana nyɔkɛtshanya kɛnɛ kaketshatɔ lo dikambo dia Jehowa.a