Yanga diangɔ di’oshinga wolo dia lo nyuma diakokayɛ nkamba ladiɔ

Etena kadiaso Bible, sho koka nyanga diangɔ di’oshinga wolo dia lo nyuma lo nsala eyangelo. Ko ngande wakokaso nkondja wahɔ efula?

Dja yimba lo kiambokambo tshɛ yatanema l’ɛkɔndɔ wa lo Bible. Ɛnyɛlɔ, shikikɛ onto akɔna lakafunde mukanda akɔ, otsha le na akandawofundaka ndo etena kakɔna kakandawofundaka. Awui akɔna waki l’etena kɛsɔ, kakɔna kakasalema la ntondo ndo kakɔna kakayosalemaka l’ɔkɔngɔ?

Kana yimba la wetshelo wakokayɛ nkondja lo nsala eyangelo lo ambola wele oko wanɛ: ‘Ngande wakayaokaka anto watayadia awui awɔ? Waonga akɔna wakawakɛnɛmɔla? Lande na kahombami mbokoya waonga asɔ kana mbewɔ waonga akɔ?’

Kamba la wetshelo wamboyokondja ondo l’olimu ayɛ w’esambishelo kana lo diɔtɔnganelo diasayɛ l’anto akina. Lo nsala ngasɔ, wɛ ayonga la lomba, oko wadita Bible ɔnɛ: “Onto tshɛ lele la lomba ayoshishima akambo asɔ.”—Os. 107:43.

• Dako: Enda woho wele diangɔ diatanaso lo losanganya la l’atei a lomingu lo etenyi kata ɔnɛ: Akambo w’ohomba w’oma l’Ɔtɛkɛta wa Nzambi tokimanyiyaka dia sho nkana yimba la woho wa nkamba la kɛnɛ kekaso. Etenyi kɛnɛ tanemaka mbala efula la ambola wakokaso ndjaoka, l’awui w’ohomba wakokaso nkana lawɔ yimba ndo l’esato wakokaso nsɛdingola.